Bejaarde op plaas aangeval

’n Bejaarde is op haar plaas in die Oos-Kaap aangeval. (Argieffoto ter illustrasie)

’n 77-jarige vrou is Donderdag skuins ná 17:00 in haar plaashuis in Sleepy Hollow, Gqeberha (Port Elizabeth), in die Oos-Kaap aangeval.

Kol. Priscilla Naidu, polisiewoordvoerder, sê die slagoffer is met haar tuiskoms deur drie mans oorval toe sy omgedraai het om die deur agter haar toe te trek.

“Hulle het haar gegryp en na ’n ander vertrek geneem waar sy vasgebind is.

“Hulle het onder meer met drie televisies en ’n kluis in die slagoffer se silwer Toyota Hi-Rider-bakkie gevlug.”

Volgens Naidu het die slagoffer daarin geslaag om haarself te bevry en na haar seun se huis op dieselfde perseel gery.

Haar seun was egter nie tuis nie en sy het by die bure om hulp gaan aanklop.

“Sy het ligte beserings aan haar gesig en arms opgedoen en is na ’n hospitaal geneem vir verdere behandeling.”

Volgens Naidu word die saak deur die polisie ondersoek.

Die aanval volg enkele dae nadat John Viedge (79) op sy plaas naby Nqanqaru (Maclear), ook in die Oos-Kaap, vermoor is.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Fedup

Every single day someone is either attacked or killed in this country, but the circus sit an watch.
Am I the only one who are really really fedup with this.?

Misky

Mens het werklik waar nie meer woorde nie, want dit gebeur nou daagliks. Bly die tannie is ongedeerd ten minste

JM

En Cyril sê nie ‘n woord nie! By implikasie dra dit sy goedkeuring weg. Mag God vir ons uitkoms gee, want dinge kan waaragtig nie so voortgaan nie!

Persheks Adri

Dankie tog die tannie is nog lewendig!!!

Ons is al moeg vir moord en dood en roof en aanvalle maggies, brand en breek en korrupsie natuurlik.

Kom hoed jou mense moet ons mos kan beskerm nou hoe nou?

Filistyn

Sjoe. Sterkte aan die dame – hoop die boosdoeners word gevang en gevonnis. – maar dit is seker wishfull thinking?