Bejaarde op Potch-plaas doodgeskiet

Die haelgeweer, mes en selfoon waarop beslag gelê is. Foto: Verskaf

ʼn 69-jarige man is Vrydagaand op ʼn plaas buite Potchefstroom doodgeskiet.

Lt.kol. Pelonomi Makau, provinsiale polisiewoordvoerder van Noordwes, het aan Maroela Media gesê die voorval het omstreeks 22:30 in die Vyfhoek-omgewing plaasgevind.

“Die man en sy seun het gaan ondersoek instel toe die alarm afgegaan het. Hulle is na buite waar hulle drie verdagtes by die heining gesien het,” het Makau gesê.

ʼn Stoeiery het glo ontstaan en een van die aanvallers het die man met ʼn haelgeweer van ʼn kort afstand in die bors geskiet. Sy seun het die aanvallers teengestaan en het hulle van die haelgeweer en ʼn mes ontwapen. Die verdagtes het ook ʼn selfoon laat val voor hulle te voet van die toneel gevlug het.

Russel Meiring, woordvoerder van ER24, het gesê die man se liggaam is buite die erf aangetref. “Hy is ondersoek en het geen tekens van lewe getoon nie. Ongelukkig kon daar niks vir hom gedoen word nie en hy is op die toneel dood verklaar.”

Niemand is nog in verband met die voorval in hegtenis geneem nie. Die polisie ondersoek ʼn saak van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Pieter

Ag dis net nog n plaasmoord is daar nie iets belangriker soos iemand wat iewers in die sestigs of sewentigs verselfmoord of wat ookal nie?

Mielie

Die boere moet leer om nie uit te gaan om ondersoek in te stel nie……Dis lewens gevaarlik. Wag eerder vir hulp. Hulle moet dalk nood sirenes hê wat baie ver gehoor kan word. Amper soos die “evacuation/emergency alarms” wat in industrieele gebiede gebruik word. Kameras om die huis is oom n moet alhoewel dit nie die mense sal uithou nie gee dit die mense binne die huis n idee van wat buite aangaan. Dis verskriklik dat ons so moet leef.

Johan. H.

Dis hoekom mense oor alle kleurgrense haat en dit gaan Bacfire, Gelukkig het ons n goeie polisie diens en hulle gaan gou gevang word omdat hulle i selfoontjie op die toneel gelos het.

Haan

Geweer. By jou. Ten alle tye.

Sterkte aan die familie en vriende van die oom. Geregtigheid SAL geskied… Al is dit nie in hierdie lewe nie.

Vermeende

En so kom die kring al hoe nader aan jou tot dit jou beurt is om te betaal omdat jy blank is.

Alle sterkte aan almal wat die oom geken het en treur oor hom, mag sy mens beristing vind.