Bejaarde se lyk in plaashuis gevind

Argieffoto

Argieffoto

’n Bejaarde man is op sy plaas in die Kranskop-omgewing naby Modimolle (Nylstroom) in Limpopo vermoor.

Kol. Ronel Otto, woordvoerder van die polisie, het gesê die man se liggaam is Saterdagoggend in sy plaashuis gevind. Volgens Otto is die man vermoedelik al twee of drie dae terug vermoor. Hy het alleen gebly.

Otto het gesê hy is vermoedelik aan ʼn kopwond dood. Polisiebeamptes is tans op die toneel. Dit is nog nie duidelik hoe daar toegang tot die huis verkry is, hoeveel aanvallers daar was of wie op die man se liggaam afgekom het nie.

Die polisie ondersoek ʼn saak van moord.

Die moord kom net meer as twee weke nadat Jakes van Deventer (35) op ʼn plaas naby Bela-Bela (Warmbad) aangeval en vermoor is. Vier verdagtes het Van Deventer en sy verloofde, Monique de Souza (28), omstreeks 01:00 in hul huis oorval. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

John ·

En die losprys vir inligting wat lei tot die suksesvolle arrestasie en vervolging van die moordenaars, is……………?

Janine du Plessis ·

Op 64 is ‘n mens beslis nie “bejaard” nie. Was hy in enige ander beroep, sou hy nog gewerk het. Die opskrif sou beter gelyk het as dit die oorledene as “middeljarig” beskryf het. Die moord bly ewe erg. My innigste simpatie aan die familie en vriende. Dit moet vreeslik wees om so te gaan.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.