Byna ses jaar nadat ʼn 78-jarige vrou in haar huis in Port Elizabeth vermoor is, is haar vier moordenaars eindelik gevonnis.
Denise Webber is op 20 Augustus 2015 in haar tuinwoonstel in Kabegapark vermoor. Die huiswerker is deur die moordenaars oorrompel en vasgebind. Die hoofhuis, waar Webber se dogter en skoonseun gewoon het, en tuinwoonstel is geplunder en die verdagtes het met verskeie huishoudelike items gevlug.
Fikile Mengo, wat ook ʼn werker van die gesin was, is dae ná die moord deur sy ouma na ʼn polisiestasie geneem waar hy hom oorgegee het.
Mkhuseli Ngqanda (34), Sinethemba Nenembe (33) en Thanduxolo Vumazonke (29) is kort daarna in hegtenis geneem.
Kol. Priscilla Naidu, polisiewoordvoerder, het gesê drie van die vier dien reeds vonnisse uit vir ander misdade.
Nenembe dien lewenslange tronkstraf uit vir die moord op Jayde Panayiotou.
Die vier is Woensdag in die Port Elizabeth-hooggeregshof gevonnis. Mengo en Vumazonke is tot effektief 25 jaar tronkstraf elk gevonnis. Ngqanda en Nenembe is albei tot lewenslange tronkstraf gevonnis.
Lt.genl. Liziwe Ntshinga, provinsiale polisiekommissaris, het die vonnisoplegging van die vier beskuldigdes verwelkom en verklaar dat geregtigheid geskied het.
“Dit is duidelik dat hierdie misdadigers nie berou het vir hul dade nie, aangesien almal op een na reeds vonnisse vir ander misdade uitdien. Hoewel hierdie saak amper ses jaar geneem het om af te handel, kan daar nou afsluiting wees in die wete dat geregtigheid geskied het.
“Hulle het hierdie afskuwelike dade met opset gepleeg en ons loof die vervolgingsgesag wat verseker het dat hulle baie lank uit die samelewing verwyder word,” het Ntshinga gesê.
Dis SIEK. 6 jaar vir moord, aanranding van huiswerker (wat nie eers op die klagstaat is nie), roof (ook nie op klagstaat, en boonop gewoonte misdadigers, sonder berou. En dan verklaar Lt. genl Ntshinga dat geregtigheid geskied het. WHAT A JOKE
Dit het 6 jaar geneem vir hulle om skuldig bevind en gevonnis te word, 2 het 25 jaar gekry en die ander 2 lewenslank. Maar nou ja ons weet hoe lank is lewenslank in SA.
Jy’t nie mooi gelees nie Baardman.
Baie braaf en eerbaar van die ouma om haar kleinseun SAP toe te vat. Kan glo dit was nie maklik nie.
Baie dankie.
Die Bose beheer so baie mense se lewe.
Nee. Dis omdat hulle KIES dat die bose n houvas op hulle kry en hou. En n kern kultuur van vervloektheid.
Dis nou slegte kriminele hierdie. Ongeneeslik.
Misdadigers word vrygelaat om te gaan moor.
Onskuldige boere sit al 2 weke in die tronk.
Geregtigheid?
Hoekom vat dit solank om sake af te handel?
Ses jaar later.
Hoekom is ons howe tog so traag?
Kyk nou byvoorbeeld ook na ons hoogste hof: Zuma wys vir hulle die middelvinger, en hulle kan nie met dringenheid reageer nie. Sonder vrees of bevoordeling? Kaf.
Ek verstaan nie. Kan iemand my asseblief help?
Waarom neem so saak ses jaar om afgehandel te word?
Die vier mans was alreeds in aanhouding en drie het vorige oortredings.
was julle al is ‘n sa hof ?, 09:00 moet die hof begin, wat ‘n grap, 11:30 stap die landdros of regter, wat ook al, in, hof ordenans babbel iets, hof word verdaag, 13:00 begin etenstyd
en 14:15 word die mense aangesê om more terug te kom, en so begin ons weer voor