Bejaarde skiet rower in huis dood

Argieffoto (Foto: imgkid.com)

Argieffoto (Foto: imgkid.com)

ʼn Man is Vrydagoggend in Kimberley deur ʼn bejaarde inwoner tydens ʼn huisroof doodgeskiet.

Kapt. Sergio Kock, provinsiale polisiewoordvoerder van die Noord-Kaap, het aan Maroela Media gesê ʼn onbekende gewapende man het ʼn bejaarde egpaar omstreeks 05:00 in hul huis in Carters Glen oorval.

“Die verdagte het hulle met ʼn vuurwapen gedreig en gedwing om met hul gesigte na onder op die vloer te lê waarna hy hul hande agter hul rûe vasgebind het,” het Kock gesê.

“Terwyl die verdagte die huis geplunder het, kon die man daarin slaag om homself los te kry. Hy het sy persoonlike vuurwapen beetgekry en die verdagte noodlottig gewond.”

Die verdagte is in die huis dood.

Sover vasgestel kan word, is die egpaar ongedeerd maar getraumatiseerd.

Die polisie ondersoek ʼn saak van huisroof en doen ʼn geregtelike doodsondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Dink net ·

Dink net dat iemand sy gemors moes gaan skoonmaak. Jiggie!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.