ʼn Bejaarde man het Dinsdag gedurende ʼn staptog op Tafelberg in Kaapstad beswyk.
Volgens Johann Marais van Wildernis-soek-en-redding (WSAR) is daar die oggend omstreeks 11:27 hulp na die berg ontbied waar die bejaarde weens mediese redes gedurende ʼn staptog op die Cecilia Ridge-voetpad teen die berg inmekaar gesak het.
Die WSAR se mediese span het deur Constantianek via die Bridle Path Management-pad die agterkant van die berg bereik om sodoende so vinnig as moontlik by die man uit te kom.
Met hul aankoms op die toneel het die man se naasbestaandes, wat saam met hom gestap het, reeds noodhulp op hom toegepas. Die nooddienste het die man probeer bybring maar tevergeefs. Die man is op die toneel dood verklaar waarna die polisie na die toneel ontbied is.
Die presiese oorsaak van die man se dood is onbekend. Maroela Media wag op kommentaar van die polisie.
Sò jammer vir die familie. BAIE DANKIE aan Maroela Media wat die nuus altyd eerstehands en so vinnig vir ons lesers het. Julle is tops.
Ai die man was 80 jaar oud!
En? Daar is baie 80 jariges wat nog kan staptogte doen…..