Argieffoto: Christo Brits
ʼn Bejaarde man (75) van Johannesburg is Sondagoggend dood, vermoedelik aan ʼn hartaanval, in die see by ʼn strand in Southbroom op die KwaZulu-Natalse suidkus.
John Nicholas, stasiebevelvoerder van die Nasionale Seereddingsinstituut (NSRI) in Port Edward, het gesê die NSRI se spanne in Port Edward en Shelly Beach is om 11:13 deur die polisie se soek-en reddingspan in kennis gestel van ʼn verdrinking wat plaasvind op Umkobistrand in Southbroom.
Die NSRI, polisie, lewensredders en verskeie ambulansdienste het hulle na die toneel gehaas.
Volgens Nicholas het die polisie se reddingsduikers die man uit die see gebring en kardiopulmonêre resussitasie is toegepas deur ʼn verpleegkundige wat toevallig op die toneel was.
Dié pogings is deur die paramedici oorgeneem, maar die man is ongelukkig op die toneel oorlede.
“Daar word vermoed, maar dis nie bevestig nie, dat die man ʼn hartaanval gekry het terwyl hy geswem het.”
Die polisie doen ʼn geregtelike doodsondersoek.
Rus in vrede Hennie. Jy was n wonderlike man. Ons bid vir vertroosting vir jou vrou en kinders