Bejaarde vrou op berg gered

Foto: Verskaf.

ʼn Bejaarde vrou is Maandagmiddag laat van ʼn berg in KwaZulu-Natal gered nadat sy gegly en geval het.

Chris Botha, woordvoerder van Netcare 911, het gesê die voorval het omstreeks 16:45 plaasgevind in Shongweni. “Die bejaarde vrou is glo saam met ʼn groep mense teen die berg op om te gaan bid toe sy gegly het op die growwe voetpad en haar enkel beseer het,” het Botha gesê.

Volgens Botha moes ʼn noodwerker byna 800 m met ʼn spesiale draagbaar en mediese toerusting teen die berg opklim om die pasiënt te behandel.

“Toe die ambulanspersoneel ook teen die berg op is, het hulle die pasiënt op die draagbaar vasgemaak en haar van die berg af gedra,” het Botha gesê.

Sy is per ambulans vervoer na ʼn nabygeleë hospitaal vir verdere mediese behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

t ·

Ai! Die Here sal jou gebed hoor ongeag waar jy is. Jy hoef nie berge te klim nie.

Dankbaar sy het nike ergers oorgekom nie.

Lol ·

“Ek slaan my oe op na die berge waar sal my hulp vandaan kom?”

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.