Bejaarde vrou van Noordwes koelbloedig vermoor

polisie-huisroof-crime

Argieffoto: SAPD/Facebook

ʼn Bejaarde vrou van Schweizer-Reneke in Noordwes is Maandag in raaiselagtige omstandighede in haar huis vermoor.

Maj. Pelonomi Makau, woordvoerder van die polisie, het aan Maroela Media gesê die 86-jarige vrou se liggaam is in haar huis met steekwonde aan haar nek en gesig gevind. “Haar seun het elke dag 17:00 sy ma besoek en is Maandag oudergewoonte weer na haar toe. Hy het haar liggaam in die huis aangetref. Sy is met ʼn skerp voorwerp gesteek, maar die polisie is nog nie seker watter voorwerp gebruik is nie,” het Makau gesê.

Sy het gesê daar was geen tekens van inbraak nie en niks word uit die huis vermis nie. “Die motief vir die moord is nie in hierdie stadium bekend nie. Die polisie ondersoek vir eers net ʼn saak van moord.” Makau het gesê ʼn nadoodse ondersoek sal gedoen word om die presiese oorsaak van dood te bepaal, asook om die moontlikheid van verkragting uit te skakel.

Volgens Makau kan die vrou se naam nog nie bekendgemaak word nie aangesien al haar naasbestaandes nog nie oor haar dood ingelig is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Sharon Anderson

My innige simpatie met die familie, om 88 te word in Suid-Afrika en wreed vermoor te word is gruwelik. Hierdie mense is ons volks moeders kyk wat gebeur met hulle. Tragies ons het ‘n land van barbare geword mag die Vader ingryp want ons kan ons self nie meer red nie.

anet

Sterkte aan die familie, ons sal julle opdra in ons gebede. Mag die skuldige gou vasgetrek word

Susan

Ek stem heeltemal met jou saam. En as hierdie BARBARE gevang word behoort dieselfde aan hulle gedoen word wat hulle aan hulle onskuldige slag offers gedoen het. Dit behoort te help want hulle is lafaards.

Jan maak n Plan

My innige simpatie met die familie. Waar is die SAPD se beloning vir inligting nou????? Die wereld wye media verkondig luidkeels hoeveel renoster gedood word jaarliks, maar dis omtrent net maroela media wat iets se oor die boere wat links en regs vermoor word. Is dit dalk nie nou tyd dat ons nou letterlik moet begin terug skiet nie? Waar gaan hierdie dinge ophou?

amanda strauss

Sterkte aan die familie. Dis so wreed dat tannie Bollie so moes sterf. Wat gaan van ons word.? Arme oumense wat hulle nie kan verdedig nie….so ontsettend hartseer…