Bejaardes op Bela-Bela-plaas aangeval

plaasaanvalle

Argieffoto: SAPD

ʼn Bejaarde egpaar is Dinsdag in die vroeë oggendure op hul plaas buite Bela-Bela aangeval, aangerand en beroof. Die slagoffers is die ouers van ʼn vooraanstaande dokter op dié Limpopo-dorp.

Marius Müller, nasionale operasionele koördineerder van AfriForum, het Woensdag aan Maroela Media gesê vier verdagtes het die egpaar, vermoedelik in hul 70’s, omstreeks 01:00 op hul plaas noordwes van die dorp oorval.

“Die aanvallers het toegang tot die huis verkry deur die veiligheidshek en voordeur met ʼn koevoet oop te breek. Die egpaar is in hul kamer oorval, aangerand en met sykouse vasgebind,” het Müller gesê.

Die aanvallers het aangedring dat die kluis en motorhuis oopgesluit word. Hulle het onder meer met ʼn bedrag geld, vier vuurwapens, juweliersware, ʼn platskermtelevisie, selfoon en skootrekenaar in die egpaar se twee voertuie op die vlug geslaan. Dit is nie duidelik hoe laat hulle die plaas verlaat het nie.

Die man kon omstreeks 03:15 daarin slaag om homself te bevry waarna hy hulp ontbied het.

Die egpaar, wat alleen op die plaas woon, se seun was eerste op die toneel en het sy ouers behandel. Die man het ʼn harde hou teen sy kop opgedoen en die vrou het kneusmerke aan haar arms. Hulle ontvang traumaberading.

Brig. Motlafela Mojapelo, provinsiale polisiewoordvoerder, het die voorval aan Maroela Media bevestig. Die polisie ondersoek ʼn saak van huisroof.

“Een verdagte is reeds ʼn paar uur gelede in Winterveld in hegtenis geneem en die egpaar se Mazda-bakkie is teruggevind. Die verdagte is tussen 30 en 40 jaar oud. Die soektog na die ander verdagtes duur voort,” het Mojapelo.

Müller het gesê dié aanval was die tiende landswyd vir die maand Mei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
kas

Hoekom spreek die brigadier nie sy skok en veroordeling van die aanval uit nie.Die aanval en moord in die Kaap van daai bejaardes is wyd veroordeel in regeringskringe

Johan. H.

So dra n mens dink die lot doen n goeie “job” soos die opsporing van die ontvoerde seuntjie, Slaat hulle ons van die anderkant af met n dowwe een ,, DIT MOET WEES POGING TOT MOORD,, Lees die asb ,,, as julle kan, As jy n oumens aanrand kan hy beswyk dae later aan trauma, Beroertes wat ontstaan agv aanranding,, DEPRESSIE, en baie meer

Michelle

Baie sterkte aan Dr Coetzer se ouers en die familie, dis ‘n wonderwerk dat mense vandag nog sulke aanvalle oorleef.

Elize

Ai tog, hoop die egpaar herstel ten volle. Dan kry jy nog mense hier op Maroela wat reken dat dinge wonderbaarlik gaan regkom in SA. Ek het vir hul slegte nuus: dit gaan nie. Misdadigers het nou amptelik die oorhand, en die regering is te korrup om hond haaraf te maak. Feite is feite. Veel belangriker is wat ons almal nou te doen staan… want die hemel weet, so kan dit nie meer aangaan! Here red ons van hierdie boosheid.

Cat Afeber

I am a non-white South African. I want to say that these vicious attacks on white farmers must stop. As a non-white South African I am taking a stand and saying, “not in my name”. These attacks are not supported by me.