Die veelbekroonde aktrise Elize Cawood. (Foto: Facebook)
Die bekende en geliefde aktrise Elize Cawood het Saterdag haar stryd teen kanker verloor.
Sy is vanoggend om 09:19 dood nadat longkanker in September by haar gediagnoseer is en het moedig tot die einde baklei, het haar dogter, Jenna Jo Dunster, in ʼn Facebook-inskrywing gesê.
“Sy was in geen pyn toe sy dood is nie en ek en my pa was by haar.”
Die veelbekroonde Cawood was getroud met die akteur Wilson Dunster.
“Ons wêrelde gaan sonder haar nooit weer dieselfde wees nie, maar ons vier die uitsonderlike mens wat sy was.”
Die gesin het mense vir hul liefde en steun bedank en gevra vir privaatheid.
ʼn Groot groep Afrikaanse kunstenaars het vroeër vanjaar saam met die vervaardigers van die Afrikaans is Groot-konsertreeks ʼn konsert ten bate van Cawood gehou om haar te ondersteun in die tydperk waarin sy nie meer kon werk nie.
Sy was verlede jaar nog op die AiG-verhoog te sien saam met haar man en dogter tydens Laurika Rauch se treffer “Die nostalgie”.
“Elize is ʼn nasionale juweel, veral vir die Afrikaanse kunste,” het Barry Pretorius, regisseur van Afrikaans is Groot, destyds gesê.
Talle boodskappe van medelye het reeds begin instroom.
Ai dis so tragies. Sy was ons so n geliefde aktrise. Sterkte aan die Dunster familie en wees geanker aan ons Trooster ons Here.
Een van ons bestes. Sy sal gemis word. Innige simpatie aan haar gesin.
Sy was waarlik ‘n een van die beste Afrikaanse aktrieses. Sy sal baie gemis word deur almal, die veral die Afikaanse gemeenskap en die industrie. Baie sterkte aan haar gesin. Mag God julle toevou in sy liefdevolle arms. Ons het baie mooi herinneringe van haar.
Sy was een top aktrise. Ek sal altyd haar toneel spel (en haar stem) onthou
Jaco dis nou onnodig
Die vrou was darem ‘n wonderlike aktriese. Rus in vrede Elize Cawood, en innige medelye aan die familie.
Ek stem Lizelle, ek verstaan mense is skepties, maar dit was nou regtig nie nodig nie!!
Regtig jammer om van Elize Cawood se afsterwe te hoor. My innige simpatie aan haar geliefdes. Die vermaaklikheids wêreld het beslis ‘n grote verloor.
Barry Pretorius, Elize is voorwaar ‘n nasionale juweel. Uitstekende aktrise wat soos deel van ons familie gevoel het. Sy was immers die grootste deel van haar lewe deel van ons sitkamer kuiers. Soveel liefde en respek vir haar. Ons bid Wilson, hul kinders en al die familie en vriende sterkte toe. Hier gaan ‘n heldin van die silwerdoek verby….
Ai Jaco…
Sy het baie diep spore getrap en was enig in haar soort… Baie jammer om te hoor. Rus in vrede Elize!
Dankie vir jou wonderlike bydrae tot die samelewing. Dit word waardeer en sal altyd onthou word.
Geniet die ewige tyd saam met ons Skepper.
Ai dis hartseer nuus. Groot verlies. Sal die beste van die bestes mis! RIV Elize ????
Dit is baie hartseer. Sterkte vir haar familie en vriende. RIV
Rus sag legende, jy SAL gemis word. Sterkte aan naasbestaandes
Ai Elize, ons was saam by Kovsies, nou is jy nie meer daar nie. Baie sterkte aan jou man en dogter. ‘n Groot verlies vir Afrikaanse kunste. Mag jy veilig rus en Ons Hemelse Vader jou gesin vertroos