Bekende NW-beesboer sterf ná kopskoot

Koos van der Leeuw word met 'n helikopter na Sandton vervoer. Foto: ER24

Koos van der Leeuw word met ‘n helikopter na Sandton vervoer. Foto: ER24

Koos van der Leeuw, ʼn beesboer van in sy 70’s van Potchefstroom in Noordwes, is Dinsdag dood toe hy tydens ʼn saketransaksie by die dorp se slagpale deur rowers geskiet is.

Maj. Pelonomi Makau, provinsiale polisiewoordvoerder, het aan Maroela Media gesê Van der Leeuw en sy vrou was vroeg by die slagpale om ʼn transaksie met ʼn man van Krugersdorp te beklink.

“Vier mans in ʼn blou Subaru, sonder ʼn registrasienommer, het omstreeks 05:45 daar stilgehou en hulle oorval,” het Makau gesê. “Die man van Krugersdorp is van ʼn onbekende hoeveelheid kontant en sy selfoon beroof. Hulle het hom gedwing om op die grond te lê waarna vier skote afgegaan het,” het Makau gesê.

Van der Leeuw is glo in die kop geskiet voordat die verdagtes van die toneel gevlug het.

Russel Meiring, woordvoerder van ER24, het gesê paramedici het gereageer op die voorval wat in Jeppestraat plaasgevind het. “Die pasiënt is in ʼn plas bloed buite sy voertuig aangetref. Hy is in sy kop geskiet en was in ʼn ernstige toestand,” het Meiring gesê. “Hy is op die toneel gestabiliseer en met ʼn ambulans na die Mediclinic Potchefstroom geneem waarna hy met ʼn helikopter na Mediclinic Sandton in Johannesburg geneem is vir gevorderde behandeling.”

Van der Leeuw het in die hospitaal aan sy beserings beswyk.

Volgens Meiring is Van der Leeuw se vrou nie tydens die voorval beseer nie.

Die polisie ondersoek ʼn saak van moord en roof. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Landie

Hoekom is daar voertuie op ons paaie sonder nommerplate?? Tot motorfietse het deesdae die neiging om nie nommerplate op te hê nie. En hoekom is ons nie meer veilig in ons eie land nie? Kan die swaap-regering asb vir ons antwoorde gee!!!!! Soveel onskuldige mense wat hulle lewens verloor omdat BARBARE in ons samelewing rondloop asof hulle alleenreg het!!!

pop

Nommerplate is afgehaal vir die rooftog. Iemand het vir hulle gese daar gaan geld van hande wissel. Soek die informant!!! Gemors

Riaan

blou subaru forrester reg dn97hfgp gewapende roof this was in pretoria gister.

Lynette Louw

Karel en Karien ons diepste meegevoel met jul verlies. Mag die Hemelse Vader jul deur hierdie donker tyd styf vashou en sterk maak. Baie sterkte vir jul familie.

Theresa

Ek stem 100% saam met jou Pop.