Bekende Pretoria-veearts vermoor

Dr. Freddie Malan. Foto: Facebook

ʼn Bekende veearts van Pretoria is Donderdag vroegaand in sy praktyk in die Moot doodgeskiet.

Dr. Freddie Malan, eienaar van die Jakaranda-dierehospitaal, is in die bors geskiet en op die toneel dood verklaar.

Kapt. Kay Makhubela, provinsiale polisiewoordvoerder, het gesê daar was glo drie verdagtes op die perseel. Niemand is nog in hegtenis geneem in verband met die voorval nie.

Twee van die verdagtes het glo toegang tot die perseel gekry terwyl ʼn derde verdagte, glo ʼn vrou, in ʼn wegkommotor gewag het. Na bewering het die vrou die klokkie gelui en so vir die ander twee verdagtes toegang tot die praktyk gegee.

Die polisie het bevestig dat van die dierehospitaal se personeel ook op die perseel was toe die moord plaasgevind het.

Volgens beskikbare inligting is selfone gesteel voor die verdagtes van die toneel gevlug het. Die verdagtes het glo in ʼn silwer Nissan Tiida gery.

Die Jakaranda-dierehospitaal is in Fratesweg oorkant die Jakaranda-winkelsentrum.

Boodskappe van medelye stroom intussen in op sosiale media met mense wat Malan beskryf as iemand wat nie net diere se lewens aangeraak het nie maar ook dié van mense met wie hy in aanraking gekom het.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
waarheid1

Dit is verskriklik!!

Anita Niemand

Dr Malan ek gaan jou so baie mis. Rus in vrede. Ek het nie woorde nie. Jy was n wonderlike mens en n uitstekende veearts. Azara en Blackie was deel van jou vier been kinders.

Van pta

Dis so vreeslik hartseer. Dr Malan het my hond se lewe gered nadat sy gif in gekry het. Nie 2 keer gedink om ons 4 uur in die oggend te help nie. Jy was voorwaar n wonderlik mens wat n hart van goud gehad het. My hart is baie seer vandag ………….

Frikkie

Baie harseeer toe ek die nuus vanoggend hoor. Ons vat ons diere kinders al vir meer as 20 jaar na hom toe. Hy was ‘n goeie mens. Die gemeenskap sal hom inderdaad baie mis – En al die diertjies wat hy gehelp het en nog kon help.

ctd

Hy was so n aangename mens om mee te gesels . Het soveel kennis gehaat en n baie groot liefde vir diere . Die wereld is nou baie armer sonder hom. Baie sterkte vir die familie.