Johan Botha. Foto: http://www.johan-botha.com/
Johan Botha, ʼn wêreldbekende Suid-Afrikaanse operasanger, het Woensdag in die ouderdom van 51 gesterf.
The Royal Opera het die nuus op hul Twitter-profiel bevestig. Hy het aan lewerkanker gesterf. Botha, sy vrou en twee kinders het in Wene in Oostenryk gewoon.
Botha is as een van die grootste operasangers van ons tyd beskryf en het in die beroemdste operahuise oor die hele wêreld opgetree. Hy het sy internasionale debuut gelewer toe hy in 1993 tydens ʼn uitvoering van Madama Butterfly in die Opéra Bastille in Parys, Frankryk, te sien was. In 2004 is Botha as ʼn Kammersänger by die Vienna State Opera aangestel, ʼn baie gesogte titel wat sy status as vername operasanger bevestig het.
Kasper Holten, die direkteur van die Royal Opera House in Londen, het Donderdag op sy Twitter-profiel aan Botha hulde gebring. “So hartseer om van Johan Botha se afsterwe te verneem. Sal nooit sy laaste uitvoering in Die Frau ohne Schatten vergeet nie,” het hy geskryf.
Ai tog, ‘n Lewende Legende en geniale mens daarmee heen, en so jonk en aan kanker van alle dinge!
Ek het net een plaat (ARTE NOVA VOICES-ITALIAN ARIAS) van hom, en pas dit op soos goud,
Rus in Vrede Johan!
Rus in vrede Johan, jy het gehelp om die wereld n beter plek te maak met jou sang.
Wêreldberoemd…… nog nooit van die man gehoor nie….. hoe is dit tog moontlik?! RIV
Hy is wereldbekend en beroemd. ‘n Huishoudelike naam in Italie, Duitsland en in US.
Sterkte aan Sonja – ons mis hom alreeds..
It luister seker nie opera nie
Operasangers word nie wêreld beroemd in Suid-Afrika nie, hulle kry opleiding en beter geleenthede oorsee – soos me. Coetzer gesê het: “A prophet never gets honoured in his own country”.
wil ek ook weet wie is hy
Dit maak my siek om te sien hoe sekere mense net van sepiesterre en sporthelde in hierdie land weet, dis waarom ons so agtergeraak het. Verbreed asseblief jou kleine wereld nou-toe-nou.
Ek ook nie, nie n operamusiek liefhebber nie, maar baie sterkte aan sy familie en vriende wat agterbly.
Nou-toe-nou…wat kan mens vir jou se? Hy was beslis wereldberoemd, hy was ‘n groot ster en dis ‘n groot verlies vir goeie musiek.
Ai alweer die kanker. RIV Johan. ‘n Groot boom het geval.
Baie hartseer nuus. Wonderlike stem. So jonk nog. Sterkte aan sy gesin en vriende.
Dit is regtig ‘n groot verlies en sy unieke bydrae tot die musiek wêreld, sal nie gevul kan word nie. Sterkte vir sy geliefdes.
So jammer buitelandse operahuise besoek ons land nie. Ons het Johan selde sien optree.
Te laat… Ons is ‘n kultuur-arm land tov van klassieke musiek en elke opera wat wel aangebied word, word deur swak sangers beman. Ons Afrikaners het talle uiters talentvolle sangers opgelewer wat in die buiteland naam gemaak het. Deesdae moet mens tot na 9 op Sondagaande wag vir RSG om na opera-musiek te luister… bedags is dit net boem-boem en soetsappige lee woorde. Nog ‘n Johann Botha, ‘n kenner van operas, is deur RSG verjaag. Skade. Waar moet die jeug bloodstelling kry aan klassieke musiek?
Johan het ongeveer ‘n maand of twee gelede twee opvoerings in die Brooklyn teater in Pretoria gegee. Ai tog….”only the good die young?”