Belangrike dokumente in Kaapstad in die slag

Die brand het Donderdagoggend in die kantoor van die openbare beskermer uitgebreek (Foto: Verskaf)

ʼn Brand het Donderdagoggend in ’n stoorkamer in ’n kantooropset van die openbare beskermer (OB) in Kaapstad uitgebreek. Belangrike dokumentasie wat in dié stoorkamer gestoor word, is heeltemal deur die brand vernietig.

Jermaine Carelse, woordvoerder van die brandweer en reddingsdienste in Kaapstad, sê die brand het net voor 09:00 in die stoorkamer uitgebreek. Die stoorkamer is op die vierde verdieping van die gebou in Waalstraat in die middestad van Kaapstad geleë.

“Net nadat die brand uitgebreek het, is die hele gebou ontruim. Bemanningslede van die brandweerstasie in Roelandstraat het die brand begin blus en die vlamme is teen 10:00 heeltemal geblus,” het Carelse bevestig.

Volgens Carelse is die meeste van die dokumentasie wat in die stoorkamer geberg is, deur die vlamme verteer.

Volgens Shawn Herbst, woordvoerder van Netcare 911, is geen beserings aangemeld nie.

Die oorsaak van die brand is in hierdie stadium onbekend en word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Elize

Alles moet altyd brand!!

Elinette

Hmmmmmmmmmm ….. was die OB dalk besig met die een of ander ondersoek wat iemand dalk in die warm water kon laat beland het?????????

Misky

Dalk is daar iets wat iemand nie wil hê moet deur andere gesien word nie…. Die OB is baie in die nuus nou

Kaptein67

Waar daar ‘n rokie is, is daar ‘n vuurtjie…

Renata

Net die stoorkamer op die 4de verdieping wat brand?!
Ja, nè!!