Belastingbetalers dok op vir reise vir minister se vrou

Norma Gigaba, Malusi Gigaba se vrou, tydens die staatsrede by die parlement (Februarie 2017). Foto: GCIS

Belastingbetalers het vanjaar reeds meer as R500 000 opgedok vir oorsese reise vir Norma Gigaba, die vrou van Malusi Gigaba, minister van finansies.

Dié aardige bedrag sluit onder meer ʼn daaglikse toelaag van R13 000 in.

David Maynier, die DA se skaduminister van finansies, het in ʼn verklaring gesê hierdie inligting het aan die lig gekom in ʼn antwoord van Malusi Gigaba op ʼn geskrewe parlementêre vraag van Maynier.

Volgens Maynier beteken dit dat belastingbetalers teen die volgende verkiesing in 2019 reeds R2,25 miljoen vir hierdie reise sou betaal het teen die huidige vlak wat Norma internasionale reise saam met haar man onderneem.

“Norma Gigaba het geen amptelike rol tydens die minister se amptelike reise nie. Selfs al voldoen hierdie uitgawes aan die bepalings van die ministeriële handboek, is dit doodeenvoudig verkeerd, veral wanneer 30,4 miljoen mense in Suid-Afrika in armoede leef en sukkel om brood op die tafel te sit,” het Maynier gesê.

Hy het bygevoeg dat Gigaba, wat verantwoordelik is vir kostebesparingsmaatreëls in die regering, ʼn voorbeeld in hierdie verband moet stel. Die DA beplan ook om wysigings voor te stel aan die riglyne in die ministeriële handboek rakende amptelike oorsese reise van ministers.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Katryn

Ja, dis mos ‘n bodemlose put van geld wat instroom (deur ons belasting betalers) vir misbruike deur die vername mense. Dit terwyl talle mense sonder krag en water moet klaarkom.

snoefie

as hulle n lekker “outing” wil hê moet ministers maar srlf hulle metgeselle se uitgawes dra. ook self veiligheids en en enige ander oograderings aan hulle eie persoonlike wonings en voertuie betaal.

marous

Waarom word daar niks aan die mense gedoen nie? As ‘n gewone mens ‘n rand weerhou van die belastingaarder word daar summier opgetree. Wie gee aan die mense die reg om met die staatskas te maak soos hulle wil? As enige besigheid so uit die kasregister bestuur was , was die deure binne ‘n half uur toe en die plek bankrot. Dit lyk of die mense wat in beheer is van die land se belange dink dat meer note druk, die antwoord is vir al die gemors wat hulle aanvang.

Ronel

En dan moun die einste grootbek party oor opgraderings aan De Lille se woning? Verwyder eers die balk uit jou eie oog asb…

V

“…Die tyd het vir my gekom om te EET!…” DANKIE en Wê!!!