Bellville-pa verdwyn weens ‘persoonlike kwessies’

Ongedeerd: Jan Willem Fourie.

ʼn Pa van Bellville wat tien dae gelede spoorloos verdwyn het, is ongedeerd gevind.

Jan Willem Fourie (38) is verlede Dinsdag die laaste keer by die Karl Bremer-hospitaal in Kaapstad gesien, waar hy toetse vir ʼn maagsweer sou ondergaan.

Beeldmateriaal van kringtelevisiekameras wys hoe hy die perseel kort voor 09:00 verlaat, maar wys nie in watter rigting hy dan stap nie.

Sy vrou, Lucille, het hom dieselfde dag as vermis aangemeld en ʼn grootskaalse soektog is na hom van stapel gestuur.

“Hy is lewend, ongedeerd en veilig. Persoonlike kwessies,” het Pink Ladies, ʼn organisasie wat hom daarop toespits om vermiste mense op te spoor, op sy Facebook-blad geskryf.

Geen verdere besonderhede is in dié stadium bekend nie.

Die egpaar het ook ʼn tweejarige dogtertjie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
toy

Baie bly hy is veilig.

ne

Wil hy nou vir sy vrou ook ‘n maagseer gee? Vra maar net.

Johanna

Dit is die hoeveelste person wat net “verdwyn” om hul kop skoon te maak, Dink hulle ooit aan hul ouers, vrou, kinders se bekommernis. Baie selfsugtig!

Gerda

Ag nee regtig, kan die mense net se as hulle alleen wil wees, dit is nou al die hoeveelste persoon wat ” verdwyn ” . Dink vir ‘n slag aan ander en nie net aan jouself nie. Baie tyd word onnodig gemors op iemand wat uit hulle eie ” verdwyn ” terwyl ander gedwing word en nie so gelukkig is om weer gevind te word nie

Elizna

Hoop pink ladies stuur n GROOT PINK REKEKENING..PERSOONLIK