Beloftebos reageer op MRK se hofaansoek

Argieffoto ter illustrasie (Foto: Unsplash)

Beloftebos het Maandag gesê hy verwelkom enige persoon na dié trouvenue in die Overberg en organiseer graag funksies soos verjaarsdagpartytjies en jaarafsluitings vir paartjies van dieselfde geslag. Die eienaars van Beloftebos hou egter voet by stuk dat hulle nié troues vir paartjies van dieselfde geslag organiseer nie.

Die eienaars van die venue het hulself verdedig nadat die Menseregtekommissie (MRK) glo talle klagtes ontvang het oor beweerde diskriminasie teen paartjies van dieselfde geslag. Dié paartjies word glo nie toegelaat om daar te trou nie weens die eienaars se geloofsoortuigings. Die MRK het gevolglik ʼn hofaansoek teen Beloftebos by die gelykheidshof ingedien.

“Beloftebos se besluit om nie troues van dieselfde geslag te organiseer en te hou nie, is as gevolg van die eienaars se geloofsoortuigings dat die huwelik ‘n heilige verbond is tussen ‘n man en ‘n vrou in die teenwoordigheid van God, sowel as ‘n simboliese beeld van die liefde en verbintenis tussen Christus as die Bruidegom en Sy Kerk as die Bruid,” lui ʼn verklaring wat die venue Maandag uitgereik het. Die eienaars sê hulle diskrimineer dus nie onbillik teen enigiemand wat betref wie hulle liefhet of hoe hulle liefhet nie.

Die MRK sê egter hy beskou Beloftebos se optrede as ongrondwetlik, aangesien daar nie op grond van geloofsoortuigings teen mense gediskrimineer kan word wat betref hul seksuele oriëntasie nie.

Luidens die verklaring het Beloftebos van dié hofaansoek deur die media te hore gekom en nog geen hofstukke ontvang nie.

Die eienaars van Beloftebos glo hulle behoort op grond van die grondwetlike reg op vryheid van godsdiens en geloof toegelaat te word om te onderskei tussen die gebeure en aktiwiteite wat hulle bereid is om op hul eiendom te fasiliteer. As gevolg van hul godsdienstige oortuigings sou hulle byvoorbeeld ook weier om ‘n Halloween-partytjie aan te bied, ongeag wie dit aanvra.

“As die hof teen Beloftebos beslis en hulle dwing om aan geleenthede deel te neem en dié geleenthede te vier wat teen hul gewete, godsdiens en geloof gaan, sal elke verskaffer van goedere en dienste in Suid-Afrika gedwing word om werk te aanvaar waarmee hulle in wese nie saamstem nie,” lui die verklaring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Johan Venter

Daar is tog nog baie predikante van die NGK, dalk die meeste, wat ongeag die Algemene Sinode se besluit, dit verkies om ook nie paartjies van dieselfde geslag te trou nie.

SomeOne

beloftebos, ek staan saam met julle, dis teen my geloof beginsels dat mense van dieselfde geslag gemeenskap met mekaar het of in die eg verbind word
staan jul man en ek glo God gaan julle nie veroordeel nie

Pieter J

Ek hoop Beloftebos bly by hulle standpunt.

Frederik C

Tyd dat die MRK toemaak. Hulle beteken eintlik niks vir die samelewing nie.

Anel

Soos ek dit nou verstaan, die gay mense het die reg om vir jou te sê wat jou op jou perseel doen anders is dit diskrimenasie. Dis hulle reg. So eintlik diskrimineer hulle teen die Christene. As jy weet wat my beleid is tov wat ek aanbied en dit staan jou nie aan nie, staan dit jou vry om ander plek te kry. Jy kan my nie dwing om iets te doen wat ek nie wil nie. So gay mense het meer regte as Christene!