Beloning uitgeloof in soektog na vermiste tiener

“Ek wens ek het geweet waar jy is. Het jy geëet? Het jy ’n dak oor jou kop? Is jy veilig? Here, asseblief, gee my ’n teken waar Nikita is.”

Ordette Lottering se 14-jarige dogter, Nikita, het Maandagaand spoorloos verdwyn. ’n Beloning van R2 000 is intussen uitgeloof vir enigiemand wat inligting het wat tot Nikita se opsporing kan lei.

Dié besorgde ma het egter Vrydag ’n leidraad ontvang oor waar Nikita moontlik kan wees en is besig om dit nou op te volg.

Nikita is Maandagaand omstreeks 18:00 die laaste keer by haar ouma se huis in Springs, Gauteng, gewaar.

“Sy sou tot Donderdag by haar ouma gekuier het,” vertel Lottering.

“Haar ouma het ons verseker dat daar niks daardie dag gebeur het wat veroorsaak het dat sy sou wegloop nie.

“Ek en Nikita het nog 15:00 met mekaar grappies gemaak oor die foon.”

Sy het ’n swart denimbroek, wit hemp en rooi baadjie ten tyde van haar verdwyning aangehad.

Lottering sê Nikita het al in die verlede weggeloop van die huis, maar sy dink nie dit is hierdie keer die geval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
JohanR

Kan net hoop en bid dat jy lewendag gevind word meisie. Hierdie is SA die moord en verkragtig kapitaal van die wereld. ‘n 14 jarige meisie wil haarself nie op straat vind in die land nie!

H

kyk maar by die bf se huis…

Onnie

Klink soos n storie wat ek al male sonder tal gehoor het. Daar is dalk n ouer kêrel in die prentjie. Die meisies van vandag is al mooi groot op 14 en baie slim! Dalk die rede hoekom sy by die ouma oorgebly het en nie by haar ma nie.

Misky

Ons almal was jonk en het simpel dinge aangevang. Maar vandag se tye verskil en dis erger as ooit daar buite. Wonder of sommige kinders weet deur watse hel hulle hulle ouers sit. Hoop sy word vinnig gevind vir haar ouers se part.

Genis

Soek maar by die BF en vriendinnetjies… baie hartseer…