Beloning uitgeloof ná Ceres-plaasaanval

‘n Pamflet van die beloning.

ʼn Beloning is uitgeloof vir inligting wat kan lei tot die inhegtenisneming en skuldigbevinding van die verdagtes wat ʼn 52-jarige boer van Ceres in die Wes-Kaap Maandagaand wreed aangeval het.

Ian Cameron, AfriForum se veiligheidshoof, het ʼn pamflet op sosiale media gedeel van verdagtes wat moontlik verbind kan word met die aanval op Izak van der Merwe. Cameron het versoek dat die pamflet wyd gedeel word in ʼn poging om die mans op te spoor. Die beloning behels R10 000.

Maroela Media het vroeër berig Van der Merwe word tans in die intensiewesorgeenheid van die Mediclinic Panorama behandel nadat hy tydens die aanval sowat 20 keer met ʼn mes gesteek, herhaaldelik met vuiste en knopkieries geslaan is, geskop is, met kabelbinders vasgebind en kleefband om sy kop gedraai is.

Pierre van der Merwe, Izak se seun, het vroeër gesê die aanval is glo deur een van sy pa se seisoenswerkers van Lesotho en sy broers uitgevoer. Hy het gesê die boerdery gebruik elke jaar sowat 63 werkers van Lesotho vir arbeid op die plaas.

“Die werker was die een wat my pa altyd gehelp het om die mense in Lesotho te organiseer. My pa het Maandagoggend vir hulle gesê dat die boerdery weens die droogte vanjaar nie aartappels en uie gaan plant nie. Hy het vir hulle ʼn keuse gegee of hulle wil teruggaan Lesotho toe en of hy hulle in spanne kan indeel,” het Pierre verduidelik.

Die een span sou dan twee dae werk en die ander span drie dae, omdat hulle dit nie kon bekostig om almal voltyds te laat werk nie. Pierre vertel sy pa was die aand omstreeks 19:00 in die plaas se winkel besig toe die aanval plaasgevind het.

Hulle het kontant, plaastoerusting en die winkel se geldboksie gesteel. Hulle het die winkel geplunder en toe gevlug en Van der Merwe vir dood agtergelaat. Lees meer hier.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Leahim

Ek hoop julle los nou die buitelanders uit en af van julle plase en begin met meganiserring al is dit vir n begin op klein skaal

tom

Kan nie glo maroela wys die verdagtes

Chrisjan

Ek wens die boer alle voorspoed en ‘n volkome herstel toe.Die’ is ‘n geval van ‘n hond wat sy baas wat hom kos gee byt.Boere moet net ontslae raak van immigrante wat hulle in diens het want dis die grootste bron van onheil op plase.

Woedend

Moet die pamflet nie daarop hê: “Wanted for attempted murder” nie?

RC

Hoekom business robbery???? Dit is poging tot moord. Hulle het beplan om hom te vermoor en hom vir dood agter gelaat.