Beloning uitgeloof ná plaasmoord

Drs. Werner en Mariette Emslie. Foto: Via Facebook

ʼn Beloning is Woensdag uitgeloof vir inligting wat kan lei tot die inhegtenisneming en skuldigbevinding van die moordenaars van dr. Werner Emslie (55) van Lephalale (Ellisras) in Limpopo.

Emslie, sy vrou, dr. Mariëtte Emslie (55), en die egpaar se dogter, Barbara (19), ʼn eerstejaar mediese student aan Tukkies in Pretoria, is Woensdagaand omstreeks 20:00 deur vier gewapende mans op die egpaar se plaas in die Afguns-omgewing aangeval. Mariëtte is ʼn algemene praktisyn op die dorp en Werner was ʼn geliefde boer en doktor in bedryfsgesondheid.

Werner is summier doodgeskiet terwyl hy buite sy huis op die stoep gesit het. Mariëtte is in haar lewer geskiet en moes met ʼn helikopter na die Muelmed-hospitaal in Pretoria gebring word. Haar toestand was teen Dinsdag stabiel. Barbara is nie tydens die aanval ernstig beseer nie.

Die verdagtes het met twee vuurwapens en die egpaar se bakkie van die toneel gevlug. Die bakkie is later verlate buite die plaas gekry.

Niemand is nog in verband met die voorval in hegtenis geneem nie. Die Lephalale-polisie ondersoek ʼn plaasmoordsaak. Die ondersoek duur voort.

Die Hertiage Protection Group (HPG) het Dinsdag gesê die beloning van R25 000 is deur die Emslies se familie goedgekeur. HPG het ʼn beroep op die publiek gedoen om ʼn pamflet van die beloning wyd op sosiale media te deel. Die pamflette sal ook in die omliggende gebiede per hand versprei word.

Mense met inligting wat HPG en die polisie in die ondersoek kan bystaan, word versoek om Sakkie Louwrens by 071 798 7954 of Cornelius Tumo by 083 598 9654 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Cherokee

Wanneer ‘n polisieman vermoor word hoes die belastingbetaler indien ‘n beloning uitgeloof word. Wanneer ‘n boer vermoor word en ‘n beloning word uitgeloof word dit betaal deur die slagoffer se familie en/of die publiek.

Veronica

Nog nie eenkeer gehoor dat n minister of iemand vd regering die naasbestaandes v n plaasmoord besoek het nie! Maar o wee! As n jong dief uit onnoselheid v n bewegende bakkie af spring en sy nek breek word daar sommer n huis weg gegee!! Hoe is daai vir regverdigheid!? Ek vra maar net?!

quo vadis

Ons blankes moet nou begin aanvaar ons is n nul op n kontrak in SA.. Paddas in n kokende pot verseker. Ons kan net vlug of onsself beskerm, niemand anders gaan dit doen.

Andre

Ek glo ons moet al hierdie misdade en moorde direk aan Sky News aanstuur en BBC News sodat die Wereld kan sien wat tans in Suid Afrika aan die gang is. Geen Bystand vanag die Regering af nie.