Beloning uitgeloof vir inligting oor hospitaalmoord

(Foto: Daan Stevens/Unsplash.com)

Die polisie het ʼn beloning uitgeloof vir enige inligting wat kan lei tot die inhegtenisneming en vervolging van die vier verdagtes wat ʼn man in ʼn hospitaal in die Noord-Kaap vermoor het.

Volgens kol. Mashay Gamieldien, polisiewoordvoerder, is ʼn beloning van R50 000 uitgeloof om Deon Mkwanazi (38) se moordenaars op te spoor en aan die pen te laat ry.

Mkwanazi is op 25 September in sy hospitaalbed in die Robert Mangaliso Sobukwe-hospitaal in Kimberley doodgeskiet. Daar word na vier mans gesoek in verband met die moord.

Gamieldien het gesê die vier mans het die hospitaal met persoonlike beskermende toerusting binnegekom.

Die polisie se 72 uur lange aktiveringsplan is in werking gestel en hulpbronne is gemobiliseer om die skuldiges vas te trek.

Enigiemand met inligting word versoek om brig. Nicky Mills by 082 371 6667, kapt. Basil Buys by 082 495 5405, of andersins Stop Misdaad by 08600 10111 te nader.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Anel

En waar is die beloning vir die jong boer wat vermoor is? Vra maar net.

Casper

Die polisie se 72 uur Lange aktiveringsplan is inwerking gestel om die skuldiges vas te trek.Ek neem aan die man met die hoed keur die optrede goed.Hoekom word hierdie plan nie inwerking gestel met plaasmoorde nie dan sal verdagtes vinniger vasgetrk word.Nou onthou ek moorde op boere is nie ‘n prioriteitsmisdaad nie of hoe omie met die hoed.

Casper

Nou vra ek die mede lesers,weet julle van ‘n belonging wat uitgeloof is vir ‘n plaasmoord?

Androclus

Hierdie regering is deur die wind.

Cornelius

Hoe skiet jy iemand in n hospitaal dood en niemand sien of hoor dit nie?