ʼn Bende wat glo geld van ʼn Potchefstroomse sakeman geëis het sodat hulle nie sy bou-onderneming tot stilstand dwing nie, is Dinsdag aangekeer.
Die groep, tussen 39 en 61 jaar oud, is in ʼn intelligensiegedrewe operasie nagespoor en deur lede van onderskeidelik die teenbende- en die taktiesereaksie-eenheid in hegtenis geneem op ʼn aanklag van afpersing, sê brig. Sabata Mokwabone, polisiewoordvoerder in Noordwes.
Die mans verskyn na verwagting Vrydag in die landdroshof op Potchefstroom.
Lt.genl. Sello Kwena, provinsiale polisiehoof, het die inhegtenisnemings verwelkom en sê dit moet as ʼn waarskuwing dien dat die polisie nie sal huiwer om teen georganiseerde misdaadbendes op te tree nie.
Genade, daar is meer kriminele in die land as wetsgehoorsame burgers. Danksy die korrupte spul terroriste wat die land regeer het SA in totale anargie verval. Selfs die SAPD, SANW en die meeste in die Parlement, is korrupte en onbevoegde spul wat van geen waarde is vir SA nie.
Goed en wel SAP. Eers as hulle agter tralies is sal ek hande klap.
Wel gedaan! Die konstruksie “mafia” moet op hul kniee gedwing word.
Hierdie kriminele oefen maar net die norm uit in SAsedert 1994.