ʼn Vierjarige kind is Woensdagaand dood in ʼn skynbare geval van bendegeweld in Ottery in Kaapstad.
Volgens kol. Andrè Traut, polisiewoordvoerder, is die meisie teen 18:50 in ʼn wendyhuis in Woodgate Court geskiet. Sy is na ʼn hospitaal gehaas waar sy later aan haar beserings beswyk het.
ʼn 48-jarige man is ook tydens die voorval getref en gewond. Hy word in ʼn hospitaal behandel.
“Drie verdagtes het van die toneel gevlug en word gesoek in verband met die voorval. Daar word vermoed dat bendes op mekaar geskiet het en dat die meisie in die kruisvuur beland het.”
Enigiemand met inligting word versoek om Stop Misdaad te kontak by 08600 10111.
Liewe genade, waneer gaan die geweld einde kry, dit raak net erger. Onskuldige mense sterf agv kriminele wat vry rondloop
ai tog onskuldig en onnodig wanneer gaan dit eindig????????????????????????
Kindertjies is byna áltyd die lydende partye met hierdie tipe gruwel dade. Dit is ook hoofsaaklik toeskryfbaar aan die feit dat hierdie regering NIKS aan die situasies doen nie.
Hoekom moet onskuldige mense vermoor word as gevolg van Hoed en sy trawante wat nie
bevoeg is vir hul poste nie. Hoed jy sal moet begin verantwoording doen vir al hierdie onskuldige mense en kinders wat sterf weens jou toedoen.