Benoni-fietsryer beseer toe taxi hom tref

Foto: ER24

Foto: ER24

ʼn Fietsryer in sy 30s is ernstig beseer nadat ʼn taxi hom Saterdagoggend in Vleiweg in Benoni, Gauteng, omgery het.

“Die man was in ʼn kritieke, maar stabiele toestand,” het Luyanda Majija, woordvoerder van ER24, in ʼn verklaring gesê. “Hy het ernstige been- en ribfrakture opgedoen en snyplekke in sy gesig.”

Die pasiënt is na die OR Tambo-gedenkhospitaal geneem vir verdere behandeling.

Die oorsaak van die ongeluk is nog nie duidelik nie. Die polisie stel ondersoek in.

Die Argus-fietsrytoer vind volgende naweek in Kaapstad plaas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.