Beskermingsbevel teen Steve Hofmeyr bekom

steve hofmeyr1

Steve Hofmeyr. Foto: Facebook

Die Afrikaanse sanger Steve Hofmeyr het Dinsdag gesê die sogenaamde protes-installasie van die ou Suid-Afrikaanse vlag deur ʼn Stellenbosse aktivis wat ʼn gesprek oor die vorige politieke bedeling se “apartheidsmisdade” wou begin, kom neer op die aanhitsing tot volksuitwissing en crimen injuria.

Hofmeyr het gereageer op ʼn tydelike beskermingsbevel wat deur Johan Pienaar, die aktivis, teen hom bekom is nadat die tonge behoorlik geklap het oor ʼn installasie van die ou Suid-Afrikaanse vlag wat tydens die US Woordfees buite die US Museum aangebring is.

Op die vlag is name geskryf soos dié van Hofmeyr, DF Malan, Connie Mulder, Riaan Cruywagen, Freek Robinson en Totius – mense wat volgens Pienaar ʼn groot rol “onder die ou landsvlag” gespeel het en “deur dié vlag bemagtig is”.

Pienaar, wat mense aangemoedig het om oor die vlag te loop, het gesê die vlag verteenwoordig die misdaad wat “in die naam van wit Suid-Afrika” teen die mensdom gepleeg is. Hy het gesê diegene wat die vlag beskerm in die naam van tradisie of sentimentaliteit betrek hulself by “apartheidspornografie” van die gewelddadigste aard.

Volgens hom was die installasie bedoel om gesprekke oor die besluite en “misdade” van die vorige politieke bedeling uit te lok. Hy het mense genooi om daaroor te loop, maar gesê dit moet nié “in ondersteuning van die vlag, die uitstalling daarvan of apartheid” wees nie.

Dié installasie het wyd omstredenheid tot gevolg gehad en Pienaar is oor die kole gehaal deur sosialemediagebruikers. In ʼn Twitter-inskrywing wat sedertdien verwyder is, het ʼn gebruiker gedreig om hom te “donn*r” en die vlag is in ʼn stadium ook “gesteel”, maar later weer teruggekry. Sosialemediagebruikers het Pienaar van “verdeeldheid” beskuldig.

Die ou landsvlag wat die tonge laat klap het (Foto: Twitter via Johan Pienaar)

Oor die vlag wat gesteel is, het Pienaar gesê: “Regses het die gedekontekstualiseerde vlag probeer steel soos hulle voorvaders die grond gesteel het.”

Hy het daarna gesê hy gaan aanklagte van diefstal, intimidasie en sameswering tot diefstal teen onder meer Hofmeyr en Corné Mulder, hoofsweep van die VF Plus, aanhangig maak. Hofmeyr het onder meer geld aangebied vir enigiemand wat Pienaar se installasie kon verwyder en Mulder het aangevoer dat Pienaar waarskynlik sekuriteit moet kry vir sy “aandagsoekery”.

Hofmeyr het Dinsdag aan Maroela Media gesê hy dra kennis van die tydelike beskermingsbevel wat teen hom verkry is. Die sanger moet glo teen einde April aan die hof verduidelik waarom ʼn finale bevel nié uitgereik moet word nie.

Hofmeyr het die beskermingsbevel as belaglik bestempel. “Ek ken niemand wat Pienaar wil kontak nie,” het hy gesê. “Toe ons kla oor die vlag, het hy geskree om beskerming. [Dit is] tipiese marxistiese huigelary.”

Hofmeyr sê die name wat op die sogenaamde “gedekontekstualiseerde” vlag verskyn, is nié die name van persone wat by apartheid – of “onder die ou vlag” soos Pienaar daarna verwys het – gebaat het nie. “Daar is name van liberaliste op [die vlag] wat geensins meer as Pienaar by die ou regime gebaat het nie. Is ek trots omdat ek ʼn tyd wil huldig waar ons kinders en vroue minder verkrag is en ons plaasboere veiliger was? Absoluut,” het hy gesê.

Pienaar het Dinsdag op sosiale media gesê hy gaan steeds voort met gesprekke oor dié vlag en beoog om Dinsdag studente in Stellenbosch toe te spreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
wielie

ai ai …. die politiek?!

Eish

Ek het n sterk vermoede dat mnr. Pienaar baie mense krap waar dit nie jeuk nie.
Ongelooflike bekering wat hy ondergaan het om tot die waarheid te kon kom. Dan om dit op so n praktiese wyse uit te leef wat by sy bekering pas.
Waar was hy in die struggle jare?
Hoe het hy tot “bekering” gekom ?

Rika

En dit mense is ook hkm ons sit waar ons sit want ons ou volkie kan nie saamstem oor niks nie en dan moet ons mekaar ook nog vervolg.

peanut

hmmmmm, Pienaar lyk en klink my na n man wat sy 15 sekondes van ‘celebrity’ status wil kry en geniet.

Siestog, wonder net wat sal die Zulu koning doen as ek sou waag om op sy skild en vlag te skryf en loop.

Wonder maar net . . . .

ArmeOuFreek

Haai shame, wat het Freek Robinson gedoen om die mense so kwaad te maak?