Argieffoto.
Die man wat aangekla word van die verkragting van en moord op die driejarige Courtney Pieters sal Donderdag weer in die Goodwood-landdroshof in Kaapstad verskyn.
Die 40-jarige beskuldigde van Elsiesrivier het op 17 Mei vanjaar sy eerste hofverskyning gemaak. Die hof het tydens dié verskyning gehoor hy werk by ʼn inbelsentrum.
Hy is op 15 Mei vasgetrek ná Pieters se liggaam in ʼn vlak graf in Epping aangetref is. In daardie stadium het die hof beveel hy moet vir veiligheidsdoeleindes in die hospitaalafdeling van die gevangenis in Goodwood aangehou word. Hy het glo doodsdreigemente ontvang in die verhoorafwagtende afdeling van die tronk.
Pieters is op 4 Mei as vermis aangemeld nadat sy die laaste keer gesien is toe sy glo buite gespeel het.
Die beskuldigde is glo bekend aan Pieters se ouers en het blykbaar ʼn kamer by hulle gehuur.
INBELSENTRUM?????
Dus het hy toegang tot duisende mense se nommers en kry seker ook hul ander detail. Daar sal baie beter keurings op alle personeel gedoen moet word.
Ek kan nie so iets wreed en sinneloos vergewe of vergeet nie. Hy sal sterf. As dit van my familie was,hy sou nooit die tronk van binne sien nie!