ʼn Paramedikus is Dinsdagoggend omstreeks 07:30 in Stockweg in Mitchells Plain in Kaapstad in hegtenis geneem nadat hy vermoedelik onder die invloed van alkohol bestuur en in ʼn privaat voertuig van ʼn polisiebeampte vasgery het.
Robert Daniels, woordvoerder van die Wes-Kaapse nooddienste, het gesê die voorval word in ʼn baie ernstige lig beskou en ʼn volledige ondersoek is van stapel gestuur oor die bewerings. “Hangende die uitslag van die ondersoek sal die personeellid dissiplinêr verhoor word en stappe sal gedoen word indien nodig.”