‘Besope’ polisieman in hof

‘n Skermgreep uit die video.

Die polisiekonstabel van Wolmaransstad in Noordwes wat oor die naweek in hegtenis geneem is nadat hy glo ʼn staatsvoertuig onder die invloed van alkohol bestuur het, het Maandag in die plaaslike hof verskyn.

Konst. Tshekiso Tshabalala (39) moet weer op 25 Januarie in die hof verskyn op aanklag van dronkbestuur, roekelose en nalatige bestuur, asook die gebruik van ʼn voertuig sonder die eienaar se toestemming.

Die saak is uitgestel sodat die beskuldigde regsverteenwoordiging kan bekom, het brig. Sabata Mokgwabone, woordvoerder van die polisie, gesê.

Tshabalala is die naweek op video betrap terwyl hy sukkel om regop te bly. Hy het Saterdag teen ʼn heining in die Tswelelang-nedersetting in Wolmaransstad vasgery. Videobeeldmateriaal toon hoe hy in volle uniform skade aan die motor nagaan terwyl hy sukkel om op sy voete te staan.

Hy is op die toneel in hegtenis geneem waarna hy op borgtog van R500 vrygelaat is.

Dit het intussen aan die lig gekom dat Tshabalala geensins gemagtig is om staatsvoertuie te bestuur nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Jywilwat

En Cele is nêrens te vinde nie…

Persheks Adri

Net R500 borg regtig? Dis mos nie reg nie pffft en dan moet ons veilig wees in hulle teenwoordigheid? Wonder wat sê Cele van die dronk man mmmmmmm

Johann

HUH? R500 en da stap hy by die hof uit? S.N.O.T.T.T.T.T.T dronk by die werk agter die stuur van n polisie bakkie maar hy stap weg…op sy eie hoop ek? Maar nou ja: welkom in die GEKKE PARRADYS genaamd die RSA!

Pieter

Hehe so moet n polisie man lyk wonder of het hy nog sy wapen.

Sakkie

Baie geluk met jou bevordering en magtiging om staats voertuie te bestuur jy is voorwaar n voorbeeld