Bestaande entstof gaan dalk les opsê teen Omikron

Die Wêreldgesondheidsorganisasie (WGO) het die gevaar van Omikron as “baie hoog” bestempel. (Foto: Unsplash)

Bestaande Covid-19-entstowwe gaan sukkel om die mas op te kom teen die Omikron-variant en dit gaan maande duur om ʼn nuwe entstof te ontwikkel wat werk, het die hoof van die Amerikaanse entstofvervaardiger Moderna aan die Financial Times gesê.

Stephane Bancel het in ʼn koerantonderhoud, wat Dinsdag geplaas is, gesê data oor die doeltreffendheid van die huidige entstof behoort binne die volgende twee weke beskikbaar te wees, maar wetenskaplikes is nie optimisties nie.

“Al die wetenskaplikes met wie ek gepraat het, sê … ‘dit gaan nie goed wees nie’,” het Bancel aan die koerant gesê.

Die waarskuwing volg terwyl gesondheidsministers van die G7 ʼn noodvergadering hou oor die nuwe variant wat nou wêreldwyd versprei en veroorsaak het dat verskeie lande reisbeperkings ingestel het.

Die Wêreldgesondheidsorganisasie (WGO) het die gevaar van Omikron as “baie hoog” bestempel.

Bancel sê navorsers is bekommerd omdat 32 van die 50 mutasies wat in die Omikron-variant gevind is, op die stekelproteïen is. Dit is ʼn gedeelte van die virus wat entstowwe gebruik om die immuunstelsel teen Covid-19 te versterk.

Hy het aan die Financial Times gesê daar gaan ʼn wesenlike daling in die doeltreffendheid van huidige entstowwe teen Omikron wees.

Moderna het reeds aangekondig dat hy werk aan ʼn Omikron-spesifieke entstof, terwyl die Amerikaanse vervaardiger Pfizer dieselfde doen.

Bancel sê Moderna kan volgende jaar tussen twee en drie miljard dosisse lewer, maar dit gaan gevaarlik wees om alle produksie na ʼn Omikron-spesifieke entstof te verskuif terwyl ander variante van die virus steeds in omloop is.

Sy ernstiger benadering is in teenstelling met politici wat ʼn gevoel van kalmte oor die nuwe variant voorhou.

Die Amerikaanse president, Joe Biden, het vroeër gesê die variant bied geen rede tot paniek nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

56 Kommentare

jongste oudste gewildste
Red Pill

Net sommiges. Party van ons gaan glad nie gespuit word nie.

Spook

Janee, die griepinspuiting gaan maar sukkel om ‘n goeie outydse Suid-Afrikaanse somerverkoue onder die knie te kry.

Anoniem

Julle weet nog bloedweinig omtrent die variant, so moenie skekuleer en woorde soos dalk, miskien, waarskynlik, moontlikheid gebruik nie. Op hierdie stadium kan dit ook dalk nie, miskien nie, waarskynlik nie en moontlik nie wees en dan het julle die hele wêreld op hol gejaag oor niks.

LIEZL

Ingeënt (of kom ons sê eerder inspuiting) of nie, ons is almal in dieselfde bootjie

Toy

Presies Hennie, dit is soos ‘n griepinenting wat mense jaarliks gevat het en dan breek daar ‘n nuwe griepvirus uit en die inenting werk gladnie vir die nuwe virus wat jy gekry het.