Bestuurder geskors ná voorval oor tradisionele drag

Skermgreep uit die video

Die sentrumbestuurder van Boulders-winkelsentrum in Midrand, Gauteng, is geskors ná hy ʼn man in tradisionele Ndebele-drag gevra het om die sentrum te verlaat.

Andrew Konig, uitvoerende hoof van Redefine Property, het gesê die sentrumbestuurder is geskors hangende ʼn interne ondersoek. Hy het sy teleurstelling uitgespreek oor die voorval.

Die Boulders-winkelsentrum se bestuur het intussen gesê die gebeure wat by die sentrum ontvou het, is betreurenswaardig. “Dit is baie belangrik dat ons, as Redefine, die geleentheid gebruik om elke Suid-Afrikaner se reg tot vryheid van gewete, godsdiens, denke, oortuiging en mening benadruk, soos uiteengesit in artikel 15 van die Grondwet,” het die bestuur Donderdag in ʼn verklaring gesê. “Gegewe Suid-Afrika se pynlike, rassige en kultureel verdrukkende verlede, belyn ons onsself ook met artikel 31 van die Grondwet waar die reg om tot ʼn kulturele en godsdienstige groep te behoort, beskerm word.”

Volgens die verklaring distansieer Redefine homself van die “neerhalende en onwaardige manier” waarop Thando Mahlangu en me. Nqobile Masuku deur die sentrumbestuurder hanteer is. “Die hantering was sonder enige beginsels van menswaardigheid of gelykheid, die basis van ons grondwetlike demokrasie. Redefine vra dus nie net om verskoning aan mnr. Mahlangu en me. Masuku nie, maar ook aan die hele Ndebele-volk as ʼn geheel en aan alle Suid-Afrikaners. Dit is noodsaaklik vir Redefine om te kommunikeer dat ons besef dat geen uitslag van ʼn interne ondersoek die pyn en vernedering ongedaan kan maak nie.

“Ons respekteer die keuse van alle Suid-Afrikaners om klere te dra en te assosieer kragtens hul identiteit en kulturele geloof. As ʼn onmiddellike maatreël sal ons diversiteitsopleiding aan alle sentrumbestuurders uitbrei. Hierdie saak het dit vir ons ook duidelik gemaak dat ons deurlopend ons interne beleide moet hersien en bywerk sodat dit in pas kan wees met die waardes en beginsels wat die verskeidenheid van kulture in ons diverse nasie erken en vier.”

Die bestuur poog steeds om met Mahlangu kontak te maak om persoonlik om verskoning te vra.

Die voorval het in Clicks in die sentrum plaasgevind. Clicks het vroeër in ʼn verklaring bevestig dat dit nie sy bestuur was wat die klant gevra het om die winkel te verlaat nie. “Die sentrumbestuurder van Boulders, tesame met Boulders-sentrumsekuriteit, het die Clicks-winkel betree en geëis dat die klant die perseel verlaat. Die bestuurder van die Clicks-winkel het ingegryp en die sentrumbestuurder gevra om die winkel te verlaat. Die klant is toegelaat om verder inkopies te doen. Ons is uiters verleë oor die sentrumbestuurder se gedrag en sal ʼn formele klag indien.”

Boulders-winkelsentrum het Woensdag in ʼn kort plasing op Facebook gesê Mahlangu is aanvanklik gevra om die winkel te verlaat omdat sy onderklere hom onsedelik blootgestel het.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Stof

Dankie vir die waarskuwimg. Sal maar in die toekoms my velhoed tuis los?

Strandloper

Wonder of vroue met wye rokke ook onder selfde kam geskeer gaan word….en o ja oop skoene?

Werner

Weet nie hoekom hulle so bekommerd is oor die grondwet nie.Ou Zuma het ons mos gewys hy is nie die papier werd waarop hy geskryf is nie.

ESTELLE

Dankie tog, hopelik kan die rassekaart nie hier (weer) gespeel word nie.

Driekus

Sal daarvan hou om die hele uitrusting te gesien het. Die sentrum bestuurder kon tog seker nie so aangegaan het oor die gekleurde kombers nie. Het hy dalk nie te min onderaan gehad wat dalk kon lei tot ontbloting van homself in die publiek nie.

Anders kan ons mos nou maar almal maak wat ons wil. Dink net aan al die prostitute. Prostitusie is tog seker ook ‘n “culture”.