Bestuurder van leë bus doodgeskiet

Die toneel waar die busbestuurder doodgeskiet is. Foto: Netcare 911

ʼn Busbestuurder is Maandagaand in Durban in KwaZulu-Natal doodgeskiet.

Die busbestuurder het in Jackscastlelaan in Castle Hill, Newlands West, gery toe hy doodgeskiet is, het Shawn Herbst, woordvoerder van Netcare 911, gesê.

Paramedici is omstreeks 19:42 na die toneel ontbied. Die 23-jarige busbestuurder is in die bors geskiet. Hy is op die toneel dood verklaar.

Daar was geen passasiers in die bus ten tyde van die voorval nie.

Die omstandighede rakende die voorval word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

wielie ·

Nou vir wat skiet mens nou sommer n bus bestuurder? Het hy vir jou weg gery? Genade waar gaan ons land heen??? Behoede my kinders

Maljan ·

Nuwe mo. Beskerm hulle verder in die howe. Vokgende klim hulle onder politisie in.

Theresa ·

Hemel tog. Is dit nou ‘n stokperdjie om mense sommer net in hul voertuie dood te skiet?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.