Betaalflaters kos departement van toerisme glo miljoene

(Foto bloot ter illustrasie: TMACC)

Die departement van toerisme het glo miljoene rande verloor deur foutiewe betalings wat uit sy toerismehulpfonds en die hulpfonds vir toergidse uitbetaal is.

Volgens die DA het Lindiwe Sisulu, minister van toerisme, in antwoord op parlementêre vrae deur die party onthul dat dié bloutjie die departement R13 miljoen gekos het.

“Groot tekortkominge” en ’n “gebrek aan kontrole” by die uitbetaling van geld aan begunstigdes van dié fondse tydens die inperking is onder meer as redes vir die flater aangevoer.

“Betalings is uit albei fondse gemaak sonder behoorlike maatreëls om te verseker dat geld slegs aan regmatige begunstigdes betaal word.

“Verdere parlementêre antwoorde dui daarop dat een begunstigde van die toerismehulpfonds en 26 begunstigdes van die hulpfonds vir toergidse boonop twee keer betaal is,” sê Manny de Freitas, die DA se skaduminister van toerisme.

De Freitas sê foutiewe betalings van R4 500 is aan 17 oorlede begunstigdes uit die departement se hulpfonds vir toergidse betaal.

Daar is glo ook 273 verkeerde betalings uit dieselfde fonds aan begunstigdes van maatskaplike toelaes gemaak, asook 1 350 betalings aan begunstigdes van die werkloosheidsversekeringsfonds.

Nóg 58 betalings is glo aan mense in diens van die staat gemaak, terwyl 1 172 betalings aan mense met ongeldige of verkeerde identiteitsnommers gemaak is.

“Dit is skokkend dat die toerismedepartement nie tydens die aansoek- en betalingsproses ’n eenvoudige identiteitsnommer én of ’n persoon nog lewe kon bevestig nie.”

De Freitas sê dit is verder onaanvaarbaar aangesien daar honderde toergidse is wat onder erge finansiële druk gebuk gaan.

“Dit is nog ’n voorbeeld van miljoene rande wat verlore gegaan het weens onbevoegde ANC-kader-ontplooiers wat belastingbetalers se geld administreer.”

Sisulu het glo aangedui dat die saak ondersoek word en teen April vanjaar afgehandel sal wees.

Die DA sê hy sal die saak monitor om onder meer te verseker dat die geld terugbetaal word en die verantwoordelike partye aan die pen ry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Lillian ·

is dit wat julle dit noem “betaalflaters”? Dis diefstal, “plain and simple”.

Marius ·

Dit is suiwer bedrog en diefstal. Daar kan nie so baie flaters wees nie.

Kokerboom ·

Die verwoestende trein van ANC gierigheid en absolute onbevoegdheid stop net nie!Hul het GEEN emosie oor geld as skaars hulpbron. Hul moet weerhou word van uitbetaling of beheer oor ENIGE geld!!!Luister ASB Mnr Ramaphosa> DOEN jou werk!

NetMyOpinie! ·

Daar is geen aanvaarding van verantwoordelikheid nie…mos maar part of my job.

Sê maar net ·

Onopgeleide, “don’t care” kaders kos hierdie land miljoene!!
Absoluut skokkend en onaanvaarbaar!!

Misky ·

Geen flater en ongeluk nie. Aspris en doelbewus gedoen, want ons almal weet wie was die besighede wat gekwalifiseer het vir hulpfondse. Hulle maatjies!!!!

Anel ·

En ons moet hulle glo dat die geld terug betaal gaan word! En gaan die skuldiges in die tronk beland???

NetMyOpinie! ·

Daar is mos baie waar dit vandaan kom al dan nie? Urgh sulke onbevoegdheid maak my moedeloos….maar sê ons iets dan is ons mos rassiste. Wel noem my maar wat jy wil meeste van die goed wat vir die staatsdiens werk is onnosel verby!!! Net die werk omdat ‘die oom se tannie se niggie se kennis een van die ouma se sleepsels was’.

Owlie ·

Dis tyd dat daar aan die wêreld verduidelik en bewys word hie foutiewe beralings van sulke groot bedeae gemaak word en tweedens hoe is dit moontlik om geld aan oorledenes te betaal – met afsterwe registeer die begrafnisvondernemer die dood by binneksndse sake en met die tegnologie is die bank rekeninge veronderstel om automaties gesluit te word maar weereens is daar mense wat duidelik nie hul werk kan doen nie want met elke afsterwe moet die grliegdes wat in rou is steeds sukkel om bank rekeninge en inkomstes en pensioene en veel meer te sluit. Diegene wat die geld aan gevra, goed gekeur, oor betaal, ontvang en spandeer het hoort almal skuldig te wees en so ook diegene wat personeel aanstel wat duidelik nie gekwalifiseerd is vir wat hulle doen nie en ook die wat daardie ongekwalifiseerde kwalifikasies goed keur.

Vettiemaragartos ·

Werk Fica en Popia net vir die privaatsektor? Sekerlik moet hul tog I.D.’s en bewys van bankbesonderhede hê voordat uitbetalings gemaak word? Fire die pateet en verhaal die geld van haar persoonlik.

Nie Verbaas ·

Jy moet regtig onnosel wees om mense twee keer te betaal en geld in n “oorledene” se rekening te betaal wat veronderstel is om onaktief te wees. Klink vir my na die normale gestelery. Die klomp is regtig hopeloos

Blikkies ·

Daar was geen foute nie, Dit was met Opset!! Blikemmers.

Johanncb ·

Hoe op aarde maak jy sulke betalings sonder om jou foute agter te kom?

Sonia ·

nou is korrupsie se nuwe naam “flaters”. dis seker net korrupsie as jy uitgevang word

Agtogwatnog ·

Suid Afrikaanse Monopolie kan nuwe kaartjies byvoeg in gemeenskaps kas en kans. Weens n betaalflater in jou guns vorder R500 000 in. Hou die kaartjie vir 3 Rondtes, indien jy op tronk beland in 3 Rondtes vergoed die bank met 200% rente en bly in die tronk vir 5 Rondtes

Ronel ·

Hoe is die mense wat oorlede is se bank rekeninge nog aktief, maak nie sin nie

Danny ·

Dit is BEDROG, nie ‘betaalflaters’ nie. Hulle moet dit maar terugbetaal!!!

Luciemarie ·

Tiepies, en intussen moes ek al my personeel laat gaan en sit al van Desember 2019 sonder inkomste. ‘n Loopbaan van 23 jaar uitgewis omdat daar “flaters” begaan is. BEesmis as jy my vra. Kaders se gatsakke weer lekker vol gestop.

Madz ·

Gmpf…!!! ‘n “Flater” is ‘n enkelvoudige oortreding. As ek die somme hierbo genoem bymekaar tel kom ek op 2 896 moedswillige bedrog/diefstal sake af!!

JL ·

Kom ons kyk of Ag siestog! Hoe jammer tog en foeitog die snipskêr omseil.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.