Dawie de Villiers in die hof. Foto: ANA
Die verhoor van Dawie de Villiers, die Johannesburgse modelbaas wat tereg staan op verskeie aanklagte wat verkragting, seksuele aanranding en die besit van kinderpornografie insluit, is Woensdag in die stad se hooggeregshof tot September uitgestel.
De Villiers se verhoor moes in Julie hervat word, maar sy regspan het aangedui hulle is nog nie gereed om hul betooghoofde in te dien nie.
Regter Cassim Moosa het die saak tot 27 September uitgestel en De Villiers se borgtog verleng. Moosa het De Villiers se regspan beveel om hul betooghoofde teen 20 September in te dien.
Lees alle vorige berigte oor Dawie de Villiers op Maroela Media.
