Betoger gooi steen deur voorruit, tref vrou

Die steen wat Johan Bower se voertuig getref het. Foto: Verskaf

ʼn Egpaar van Kaapstad verwerk nog die trauma nadat ʼn vermeende grondbesetter hul bewegende voertuig Sondagaand met ʼn baksteen gegooi het.

Johan Bower (57) en sy vrou Marcille (53), inwoners van Durbanville, was Sondag omstreeks 18:15 op pad in Malibongwe-rylaan toe die voorval sowat 400 m van die N7- en Dunoon-wisselaar plaasgevind het.

“Ek het voor in die pad blou ligte van ʼn verkeerspolisievoertuig gesien, toe ek skielik uit die hoek van my oog ʼn groep mense in die oop stuk veld opmerk. Kort daarna het ek gesien een van die mans slinger iets na my voertuig, waarna ons ʼn helse slag gehoor het,” het Bower Dinsdag aan Maroela Media gesê.

Bower het gesê die helfte van ʼn baksteen het sy voertuig getref en is reg deur die voorruit. Die steen het sy vrou op haar bors getref.

“Sy het eers gedink die steen het haar kop getref, maar dit was seker die glasstukke. Ek het net besluit om nie stil te hou nie en aan te hou ry na die verkeerspolisie toe. Toe ons daar stilhou het die beampte hulp ontbied. Terselfdertyd het nog motoriste daar stilgehou wie se voertuie deur die grondbesetters met klippe bestook is. Gelukkig het niemand ernstig seergekry waarvan ons weet nie.”

Bower het gesê hulle is direk van daar na die Durbanville-polisie waar die voorval aangemeld is. Marcille het nie dadelik mediese behandeling nodig gehad nie. Bower oorweeg dit egter om haar na ʼn dokter te neem aangesien sy nou pyn in haar bors ervaar.

“Dit was lewensgevaarlik. As daardie steen die voorruit hoër getref het, sou dit my vrou in die gesig getref het. Sy kon dood gewees het,” het hy gesê.

Volgens Bower was die groep mense vermoedelik grondbesetters wat in die omgewing betoog het. Die N7 tussen Plattekloof- en Potsdamweg moes Sondagaand weens betogings gesluit word. Die betogers het die pad met klippe en buitebande wat aan die brand gesteek is versper.

Die polisie ondersoek ʼn saak van opsetlike saakbeskadiging. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Ja wohl

Niemand sal ook in hegtenis geneem word nie, want die man was net besig om ANGRY te wees oor hy nie grond het nie. Dan mag jy mos ander onskuldige mense se karre met klippe gooi en hulle lewe ondraaglik maak . GEEN probleem GEEN arrestasies ..

Leeu

Poging tot moord.

cb

Wat jy waarkry, ons is moes die verdagtes… Sterkte aan die familie

Michael

Ek hoop CR kan nou sien wat se nonsens hy aan gejaag het met sy simpel planne oor grond net toe hy president geword het toe begin al die probleme. Hoop hy is happy nou want hy se net mooi niks.

Louw

Hier in Gansbaai se wêreld is die paaie gereeld inbegaanbaar a.g.v. van klipgooiery en geweldadige protes. Ons het ‘n facebook blad waar ons mekaar op hoogte hou en waarsku watter roetes om te vermy, van hier deur Hermanud tot in Grabouw. Soms is die agterpaaie ook maar onbegaanbaar want dis grondpaaie.