Betogers ‘beset’ Kaapse strand

Betogers op Muizenberg-strand. (Foto: Twitter)

Betogers het Saterdag op Muizenberg se strand toegesak in verset teen die verbod op strande in Covid-19-brandpunte. Verskeie strande in die Wes-Kaap is sedert Desember gesluit as deel van afsonderingsregulasies om die Covid-19-pandemie te stuit.

Video’s en foto’s wat op sosiale media gedeel is, wys hoe lede van die publiek rustig op Muizenberg se strand rondstaan of -sit. Verskeie mense het ook in die golwe baljaar. Die polisie het Saterdagoggend tevergeefs probeer om mense van die strand te verjaag en het later maar bloot toegekyk vanaf hul polisiemotors wat net duskant die strand geparkeer was.

Die Stad Kaapstad het Vrydag in ʼn verklaring gesê hy neem kennis van die beplande betoging teen die sluit van strande. “Hoewel die stad die oopmaak van strande ondersteun, word ons steeds wetlik verplig om die regulasies van afsonderingsvlak 3 toe te pas,” het Wayne Dyason, woordvoerder vir wetstoepassing in Kaapstad, gesê.

Raadsheer Dan Plato, uitvoerende burgemeester van Kaapstad, het reeds aan pres. Cyril Ramaphosa geskryf en gevra dat die verbod op strande gelig word.

Dyason sê enkele lewensredders is steeds op strande ontplooi. Dié lewensredders is veronderstel om strande te patrolleer en oortreders van die verbod tereg te wys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

93 Kommentare

jongste oudste gewildste
Friedrich

Dis reg. Cyril moet in sy glory vlieg. STOP Die ANC. STOP INENTINGS!!

Andries

Dit is omdat die regering almal en alles wil beheer en die mense is besig om gatvol te raak daarvoor. Dieselfde het in Italje gebeur toe 50 000 restuarante gelyktydig oopgemaak het..

Sarel

Cele hou mos daarvan om.op fie Strandbte loop. Waar is hy nou of is die mense te verl vir hom.
Hieverl beter kan die Polisie se hulpbronne en mannekrag azngewend worf

Juffrou

Goed só! Anc moet val! Pure twak. Maak die strande oop. Lig hierdie kastige vlak 3!

Sobymykoolkop

Die dag kom nader dat hierdie kommunistiese anc en sy bevelsraad tot verantwoording geroep gaan word op ñ manier wat hulle ondersteuners aan gewoond is. Dan gaan geen verskoning help nie