Betogers eis bruin mense se ‘insluiting’ op JEB

Die groep betogers wat deel uitmaak van die Gautengse Shutdown-koördineringskomitee. Foto: ANA

ʼn Groep wat deel uitmaak van die Gautengse Shutdown-koördineringskomitee het Dinsdag ʼn optog na die Johannesburgse Effektebeurs (JEB) gehou om te eis dat die bruin gemeenskap by genoteerde maatskappye “ingesluit” word.

Dié groep beweer hulle verteenwoordig 13 bruin gemeenskappe in dié provinsie.

“Ons doen ʼn beroep op die JEB om ʼn volledige oudit aan ons te verskaf van hoeveel geklassifiseerde bruin mense in diens van die genoteerde maatskappye is, asook om bekend te maak hoeveel gemeenskappe trek voordeel uit hul korporatiewe maatskaplike beleggingsbesteding en ontwikkelingsprogramme,” het Anthony Williams, woordvoerder van dié komitee, gesê.

Williams het gesê die groep dring daarop aan om te weet hoeveel bruin mense, of mense van gemengde ras, het aandele op die JEB. “Ons vra hulle om reaktief te wees. Ons gee hulle sewe dae om op ons eise te reageer.”

Mpho Ledwaba, hoof van bemarking van die JEB, het bevestig die aandelebeurs het ʼn brief van die Gautengse Shutdown-koördineringskomitee ontvang. “Soos standaardpraktyk is, sal die brief intern nagegaan word en sal op die beste plan van aksie besluit word wat uitgevoer sal word soos gepas is,” het Ledwaba gesê.

Die groep beweer hulle verteenwoordig onder meer die gemeenskappe van Westbury, Eldorado Park, Kliptown, Noordgesig en Ennerdale.

Hulle het ook onderneem om Vrydag ʼn optog te hou ter ondersteuning van geregtigheid vir die vrou wat onlangs in ʼn oënskynlike bendeskietery in Westbury in die kruisvuur beland en doodgeskiet is. Haar dood het tot gewelddadige betogings in die gemeenskap gelei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Dries du Toit

EK het rérig gedog mens moet actually WERK om geldpaadjie te verdien om aandele te koop.Aan die anderkant egter hoop EK BRUINMENSE sien nou wie die cancer bevoordeel. dis nie Wit,BRUINMENSE of INDIËR nie. KOM nou asb by en vergeet vd cancer.

John

Nou hoe kom die bruinmense in daardie gebied. Daag mens net op en dan eis jy… Skynbaar is it hoe die wereld nou werk. Europa behoort dus binnekort nuwe regerings te he na’ al die opdaag. Hierdie gedagte is die siel van die huidige paradigma. Ek is en ek eis… en jy gee… of… Miskien dalk…. en ek is dalk heeltemal verkeerd… maar begin die probleem van werkloosheid en armoede nie in die slaapkamer nie. As ‘ons’ daar uit ons nate spring, spring die armoede uit in die strate. Ons grense is bloot kronkels op die landkaart en met Zim… Lees meer »

Trots Afrikaans

Nou verstaan ek nie. Is die JEB nie deel van die koloniale verlede nie. Ek dog bruin mense wil niks met dit te doen hê nie?

Karolis

Ek neem waar dat al die betogers op die foto ‘n goeie lewenstyl leef sonder enige middelklas tekorte.

Judge Dredd

Enige iemand is vry om aandele op die JSE te koop.
As bruin mense verteenwoordiging op die JSE wil he dan kan hulle dit self koop.