Betogers maak amok in Harties

Foto: Basil Ferreira‎/Madibeng Misdaad Forum/Facebook

Foto: Basil Ferreira‎/Madibeng Misdaad Forum/Facebook

Betogers het Sondagmiddag amok gemaak in Hartbeespoort in Noordwes.

Kol. Sabata Mokgwabone, provinsiale polisiewoordvoerder van Noordwes, het bevestig dat Kosmos-weg afgesper was met staalasblikke en ander voorwerpe, maar dat die pad nou weer oopgestel is. “Die polisie monitor die situasie.” Mokgwabone kon nie onmiddellik bevestig waaroor die mense betoog het nie.

Volgens onbevestigde berigte is die betogers van die nabygeleë informele nedersetting afkomstig en is hulle ongelukkig oor die aanstelling van ʼn ANC-raadslid in die area.

Volgens Marlize Snyman, ʼn besoeker aan die gebied, het sy en haar man, Casper, besluit om Sondag vir ontspanning Hartbeespoortdam toe te ry. “Waar ʼn mens in Kosmos inry was die pad afgesper. Daar het ʼn lang ry motors gestaan en toe ons uiteindelik voor kom, het ons gesien daar is een van daardie groot vierkantige asblikhouers in die pad.”

Volgens Snyman was daar ook swart vullissakke in die pad. ʼn Klomp betogers en polisiebeamptes het langs die pad gestaan. “Toe ons uiteindelik deurbeweeg het, het ons sowat vyf minute later besluit om eerder huis toe te gaan aangesien ons nie die omgewing ken nie. Met die terugkeer is daar vir ons gesê om om te draai aangesien motors met klippe gegooi word. Ons het ook rook gesien en ons het toe in die Kosmos-veiligheidsoord inbeweeg en by ʼn gastehuis gaan wag. Dit is die enigste pad om uit [Kosmos] te kom. Nou sit ons en wag om te hoor wanneer ons kan ry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Xa

Nou wonder ek wat van die wat dalk dringend uit die dorp moes kom, soos om na n hospitaal te gaan. Hulle wou basies die inwoners gevange hou.

Michael

Die klomp het nou agtergekom as jy ‘n pad toemaak sal niemand jou pla nie,die bendes in blou sal moet begin optree met massa arrestasies en boetes vir hierdie soort optrede

Tiger

Dis als oefen lopies vir wat kom.Hoop dit maak sommige blankes se ogies mooi oop!

Brett

Hoekom – en deur WIE – is hulle toegelaat om daar wortel te skiet?

Le die skade voor daardie deur.

Suzette Engelbrecht

Ons kamp by Hartbeespoort Bootklub. Net agter die betogers. Hulle het traanrook geskiet en ons wat sit en braai en ons klein kindertjies is ook nou geaffekteer. Kinders huil van ogies wat traan en keele wat brand.