Betogers maak amok in Mokopane

Mokopane se strate. Foto: SAPD

Mokopane se strate. Foto: SAPD

Verskeie strate om die munisipale kantore in Mokopane (Potgietersrus) in Limpopo moes Dinsdag vir verkeer gesluit word nadat munisipale werkers die paaie met rommel, voertuie en brandende bande versper het.

Kol. Ronel Otto, provinsiale polisiewoordvoerder, het gesê die werkers het glo ook die burgemeester en ʼn raadslid se huis beskadig. Die ontstoke betogers het na die munisipale kantoor opgeruk en openbareorde-polisiebeamptes moes van rubberkoeëls gebruik maak om die betogers te verdryf.

“Die munisipale kantore is gesluit en beamptes kan nie tans diens aan die publiek lewer nie,” het Otto gesê. Die werkers is glo ontevrede oor arbeidskwessies, waaronder salarisse.

Die polisie ondersoek twee sake van opsetlike saakbeskadiging. Niemand is nog in verband met die voorval in hegtenis geneem nie. Die openbareorde-polisie monitor die situasie.

Motoriste wat gebruik maak van die R101 word aangeraai om die N1-snelweg te gebruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Irene

Afgesaagde nuus wil dit glad nie meer he op nuus nie regering doen niks daaraan nie nou moet ons die gemors sien en lees

Ek

Dan sê hulle Penny Sparrow is rassisties omdat sy sè hulle is morsig, wat is dit anders as vieslik morsig en vandalisme

TDW

Hulle oefen in elke dorp en stad vir ‘n staatsgreep.

François

Ag tog, ou nuus. Mors vuil, ruim op & doen dit weer. Daar is ‘n ander woord vir hulle & dis definitief nié dié een wat Me Sparrow gebruik het nie!

Natasha

Pateties dis al wat ek as inwoner van die ou dorpie kan se. Dit is hulle mentaliteit, net jammer dat die hele gemeenskap daaronder moet ly. Hoekom word dit in die eerste plek toegelaat. Want die Polisie is slapgat.