Betogers maak amok op Kaapstadse snelweë

Verskeie snelweë in en om Kaapstad is Dinsdagaand (12 Junie 2018) deur betogings geraak. Foto: Twitter via @CHunsingerMP

Verskeie snelweë in en om Kaapstad is Dinsdagaand deur betogings geraak, insluitend paaie wat met brandende buitebande versper is en ʼn vragmotor wat aan die brand gesteek is.

Die Stad Kaapstad het gesê betogers het buitebande op die R300, naby die N2, aan die brand gesteek. Polisiebeamptes is na dié toneel tussen die N2- en Hindle-afrit ontbied en het gevind dat twee van die bane in ʼn noordelike rigting versper is. Die betogers het egter laat spaander voordat die polisie opgedaag het.

Op die N7 is buitebande in albei rigtings aan die brand gesteek en die snelweg moes tussen Plattekloofweg en Potsdamweg gesluit word.

ʼn Vragmotor is ook op die N7-Suid aan die brand gesteek.

Volgens inligting op sosiale media hou die betogings verband met ontevredenheid oor grond hoewel die motief vir die betogings nie deur amptelike bronne bevestig is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Lana

Ons wil hê (alles verniet hê). Nou breek en brand ons alles wat oor jare deur ander mense opgehou is.

Eddie

Omsat sekere mense verkondig “vat vir jou grond”, ek mag nou seker nie name noem nie, nou brand ons maar ander mense se goed. En dit lyk my dis ook heel wettig deesdae om paaie toe te maak en te verniel wat voorkom want niemand doen of se iets daaromtrent nie.

Voorstel

Stuur aan Kanada.

Koos de Meyer.

Wie sal so dom wees om in ‘n land van anargie, brandstigting, arbeids onrus en so meer te kom belê.

Hansie slim

Die verkiesing is op pad en “ons” sal wanorde skep so ver moontlik net om die deel van die land waar dit darem redelik gaan, onregeerbaar te maak.
Enigeen kan dit sien!!