Polisiebeamptes begelei van die perde ná die voorval. (Foto: SAPD)
Die inhoud en foto in die berig is grafies van aard en kan sensitiewe lesers ontstel.
’n Perd is dood en nog perde beseer nadat betogers van ’n plaaslike informele nedersetting Donderdagoggend op die Fairview-renbaan in Port Elizabeth toegesak en die perde op die perseel losgelaat en leed aangedoen het.
Kol. Priscilla Naidu, polisiewoordvoerder in die Oos-Kaap, het aan Maroela Media gesê ’n groep van tussen 150 en 200 betogers het vroegoggend die slotte van die perdestalle oopgebreek en 28 perde met geweld uitgejaag.
“Die perde het in alle rigtings gehardloop terwyl hulle met stokke en klippe geteister is. Een perd is ongeveer ’n kilometer verder in ’n opening naby die huise dood aangetref. Daar word beweer dat die dier met skerp voorwerpe gesteek en aangerand is.”
Die perd wat gedurende die voorval doodgemaak is. (Foto: Twitter)
Al die perde kon intussen opgespoor word nadat van dié diere aanvanklik vermis was. Die perde wat in die voorval beseer is, word tans deur die plaaslike Bond teen Wreedheid teenoor Diere in Port Elizabeth versorg.
Volgens Naidu is die presiese rede vir die betoging nie in dié stadium aan die polisie duidelik nie.
’n Saak van kwaadwillige beskadiging van eiendom is intussen aanhangig gemaak.
Meg Wilson, ʼn woordvoerder van die Nasionale Dierebeskermingsvereniging (NDBV), het aan Maroela Media bevestig dat dié organisasie ook strafregtelike klagtes gaan indien.
Volgens Wilson is die NDBV uiters geskok deur die voorval. “Die diere is nie net seergemaak nie, maar ook rondgejaag en verwilder. Dit is alles oortredings van die Dierebeskermingswet.
“Dit is onaanvaarbaar dat diere moet boet vir ’n [dispuut] tussen mense.”
Polisiebeamptes begelei van die perde ná die voorval. (Foto: SAPD)
Hoekom is niemand in hegtenis geneem nie? Watter verskoning vir ‘n mens maak onskuldige diere dood of seer? Skokkend!
Die moordenaar sal seker net ‘n boete kry.
Die onskuldige perde moet nou seerkry omdat die klomp geen liefde vir diere het nie en net maak soos hulle wil.Arme dier.Wens ek kon daar wees om die diere na veiligheid te kry.Wat het die diere aan die mense gemaak ??
Siek siek siek
Regtig belaglik, wat wil hulle daardeur bereik?
Dis so onnodig! Geen mens maak ‘n dier seer nie! My hart is stukkend ek kan nie glo mense doen dit nie… Betoog vir wat? Dit regverdig nie die gedrag nie
Maroela hou ons op hoogte asb!
CR jy moet regtig iets begin doen met die betogings, af brandery, moorde, plaas moorde,verkragtings. Die bloed is op jou hande en jou kaders sin. Onskuldige diere, hoekom? Dis tyd om die land reg te ruk, wonder net of sit dit regtig in jou broek om dit te kan doen. Moeg vir die ANC EFF en al jul partye wat die land so verwoes.
Woorde ontbreek my …. die vet weet – ek het ‘n paar goeie idees wat ek sal doen….
dis net ‘n mensdom wat siek is in sy kop wat ‘n perd dood steek!! die diere het hulle niks gedoen nie!! my bloeddruk is skielik 200/200 :-(
“Menslikheid” word beoordeel aan hoe jy diere behandel, dit sê dus baie.
Wat gaan met die Misdadigers, gebeur ?.
Hulle gaan seker beloon word vir hulle Heldedaad.
Verantwoording vir hulle lae en gemene dade sal hulle eendag doen.
Stem saam met jou Suzette. Ongelukkig mag ń mens nie jou mening in die openbaar lug oor wat jy dink die oplossing vir hierdie probleem is nie.
Dit is nie betogings nie. Dit is 100% terrorisme!
Ons land is in totale anargie verval..verseker
… so van skande gepraat… hierdie is ‘n ware voorbeeld van skande… en skaamtelose slegtigheid.
Hoe walglik! Mag geregtigheid geskied!!!
Dis terrible….ek kani glo hulle kom weg darmee nie. Ek is so ontstoke….die diere het hul niks gedoen nie…waar gaan ons wereld heen…