Betogers steek vragmotors aan die brand

Die uitgebrande wrak van een van die vragmotors wat die N6 aan die brand gesteek is. Foto: SAPD

Oos-Kaapse polisie hou ʼn wakende oog oor die situasie op Stutterheim nadat betogers vroeg Woensdagoggend twee vragmotors op die N6 aan die brand gesteek het.

Kapt. Siphokazi Mawisa, Oos-Kaapse polisiewoordvoerder, sê die brandstigters het bosse langs die pad ingevlug nadat die polisie van rubberkoeëls gebruik gemaak het om die skare uiteen te jaag.

Die nasionale pad is intussen vir alle voertuie oopgestel, het Mawisa aan Maroela Media gesê, nadat net kleiner voertuie vroeër daar verby kon kom omdat die wrakke van die uitgebrande voertuie nog verwyder moes word.

“Die situasie is nou weer onder beheer,” het sy gesê, “maar ons bly op die toneel om dit te monitor.”

Beamptes ondersoek ʼn saak van opsetlike saakbeskadiging, maar teen laat Woensdagoggend is niemand nog in hegtenis geneem nie.

Die onluste op Stutterheim het net langer as ʼn maand gelede begin toe inwoners van ʼn plaaslike township voor die munisipale gebou op die dorp teen werkloosheid betoog het. Kort daarna is etlike munisipale geboue afgebrand en ʼn vragmotor, ook op die N6, begin November uitgebrand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Neutraal

Lyk of hierdie soort van optrede vir die betogers n groot grap geword het

Jampie

En NIEMAND word in hegtenis geneem nie en NIEMAND betaal hierdie mense se skade ooit uit nie .. ANARGIE in SA ..

Stephen Namibia

Stuur vir die beleggers waarvan Cyril praat.

lewies

Kom ons kyk na die betekenis van ANARGIE, ANARGIS en ANARGISME volgens die HAT.

Anargie: “Toestand van regeringloosheid, volskae wanorde, waarin geen gesag erken word nie.
Anargis: “Voorstaander van anargisme”
Anargisme: “Regeringloosheid; onbegrensde vryheid vir die enkeling.

lewies

Jammers vir die spelfout van “volslae”