Betogers storm Absa-bank binne

Betogers buite 'n Absa-bank in die Durbanse sakesentrum. Foto: Twitter via @DuRRbanSA

Betogers buite ‘n Absa-bank in die Durbanse sakesentrum. Foto: Twitter via @DuRRbanSA

ʼn Paar honderd lede van die ANC-jeugliga het Donderdag buite die Absa-bank in Durban se sakesentrum betoog.

Talle van die betogers het die bank binnegestorm waar hulle gesing en gedans het, voordat hul toegang na die kitsbanke buite die bank versper het.

Die betoging volg op ʼn verslag van Busiswe Mkhwebane, die openbare beskermer, waarin voorlopig bevind is dat Absa onbehoorlik gebaat het uit staatshulp in die apartheidsera.

Die Mail & Guardian het vroeër berig dat die bank gedwing kan word om die R2,25 miljard staatshulp wat hulle in 1985 ontvang het, aan die Reserwebank terug te betaal as die voorgestelde regstellende stappe in die voorlopige verslag van die OB onveranderd bly.

Betogers buite 'n Absa-bank in die Durbanse sakesentrum. Foto: Twitter via @DuRRbanSA

Betogers buite ‘n Absa-bank in die Durbanse sakesentrum. Foto: Twitter via @DuRRbanSA

Betogers het Donderdag lede van die publiek verhoed om die bank in Anton Lembede-straat binne te gaan of die kitsbanke te gebruik. Daar was ʼn swaar polisieteenwoordigheid buite die bank terwyl die dansende betogers plakkate opgehou het wat onder meer gelui het, ““Corruption is corruption, no matter who is doing it” en “Boycott Absa”.

Die betogers het gesê die protesaksie vorm deel van hul eis dat Absa die geld terugbetaal wat van “ons mense gesteel is”.

Nadat ANC-jeugligaleiers hulle toegespreek het, is die betogers deur drie eThekwini Metro- munisipale busse opgelaai en weggeneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Geesie

Hulle kan banke binne strom maar as jy net verkeerd verby n cash-in-transit van loop word j gestorm en gedreig om geskiet te word

Pop

Begin dan terugbetaal aan die geld wat die apartheidsregering in die tuislande laat instroom het. Lekker daar op julle jisse gesit terwyl ons moet werk om die tuislande te onderhou. Maar nooit sal mens daarvan iets hoor nie.

Pop

En tussen hakies dit was toe die Republiek van SA en nie ANC beheerde derde wereld gaos nie. Ons witmense het mos vir daai geld gewerk en nie een van daai jeugliga mense nie. So wat het daai tyd se geld met die korupte spulletjie van nou te doen.

Jaco

Snaaks dat dié wat nog nooit n groot bydrae gelewer het tot die belasting poel, so n groot ophef maak daarvan? En hoekom is die biljoene wat nou vermors word deur Zumpie nie n probleem nie, dalk suur druiwe want nou is daar minder om te plunder???

Marietjie

Die verpligte velde was aangedui soos versoek word, wat is julle problem met my?
Ek lees die mense se kommetaar en van dit moet nie eers gepubliseer word nie, so
kras is dit, en dan roem julle op die Christenskap.