(Argieffoto: pixabay)
Eskom het bevestig dat beurtkrag tot Woensdagoggend sal voortduur weens ’n tekort aan kapasiteit.
Die kragvoorsiener sê in sy daaglikse verklaring dat fase 1-beurtkrag Dinsdag omstreeks 09:00 in werking getree het en tot Woensdag omstreeks 06:00 sal voortduur. Dit is in ’n poging om noodreserwes aan te vul.
Onbeplande onderbrekings het vanoggend (Dinsdag) 06:55 op 11 016 MW gestaan.
Eskom herinner weereens daaraan dat ’n moontlikheid van beurtkrag oor die volgende 18 maande bestaan, weens noodsaaklike instandhoudingswerk.
Die kragvoorsiener waarsku dat veranderinge in die stelsel ook kan lei tot ’n moontlike verandering in die fase van beurtkrag wat geïmplementeer word. Eskom doen dus ’n beroep op gebruikers om elektrisiteit spaarsaming te gebruik.
So met ander woorde, niks nuuts nie. Welgedaan Eskom. Ons is trots op julle!
Nie verwag dat dit sou stop in elk geval nie.
hoe meer spaarsamig ons krag gebruik, hoe minder krag aan Eskom verkoop en dan vra hulle vir verhoogde tariewe – snowball effek – met of sonder loadshedding
Wat na die 18 maande … geen ESKOM?
Patete.
Ag hulle praat bollie. Ons krag het vanoggend 04:57 op Groep 13 in Centurion afgegaan. Nie eers om 9:00 in werking getree soos wat hulle hier sê nie.
Wat verstaan hulle. Hoe minder krag gebruik word, hoe minder geld kry hulle. Vorder eers die geld van die wanbetalers ook in, en sny sommer hulle krag af tot hulle betaal het. As hulle skuld betaal is, sal Eskom nie meer probleme hê nie.