Beurtkrag dreig steeds

(Argieffoto: Free-Photos/Pixabay)

Hoewel Suid-Afrikaners se ligte gister aangebly het, waarsku Eskom weer eens dat daar ʼn groot waarskynlikheid vir beurtkrag is indien hy enige verdere kapasiteit verloor. Die kragreus het reeds Woensdagmiddag ʼn beroep op verbruikers gedoen om hul kragverbruik te verminder en sodoende beurtkrag te voorkom.

Volgens Eskom plaas die koue weerstoestande reeds groot druk op die kragstelsel en die vraag na elektrisiteit sal moontlik teen laatmiddag toeneem.

“Eskom vra verbruikers om tussen 16:00 en 21:00 hul kragverbruik te verminder en sodoende die druk op die stelsel te help verlig,” sê Eskom in ’n verklaring.

In dié stadium is 12 984 MW weens stukkende opwekkingseenhede nie beskikbaar nie, terwyl 2 924 MW weens beplande instandhoudingswerk uit die stelsel gehaal is.

“Enige verdere beduidende verlies aan kapasiteit sal Eskom dwing om beurtkrag in te stel.”

Eskom sê hy sal verbruikers so gou moontlik in kennis stel indien daar enige noemenswaardige veranderinge aan die situasie is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Wielspore

Beurtkrag is aangekondig, dit gaan volg vanaf 16h00 tot 21h00 op 22 Julie 2021

Chrils

dis maar alles beplanning, ons sit maar buite in die son en rook of blaas spook asems..

Tipper

Kry klaar

Johann

Ja ESKOM. GROOOOOT verskil tussen verbruikers….Gebruikers en MISbruikers.

Persheks Adri

Voetsek Eskom! Gelukkig is daar ander alternatiewe soos inverter stelsel en generators waarvoor ons klaar betaal het, want genade julle is en bly pateties en dit nog in die bitter koue!