Beurtkrag sal Sondag na fase 1 afgeskaal word nadat Eskom se noodreserwes Saterdag herstel begin toon het.
Die kragvoorsiener sê in ’n verklaring dit is egter steeds nodig om beurtkrag toe te pas om sy noodreserwes vir die komende week op te bou.
Fase 1-beurtkrag sal dus Sondag van 06:00 tot 23:00 van krag wees.
“Ons het tans 7 914 MW op roetine-instandhouding en 10 468 MW van kapasiteit weens onbeplande instandhouding. Eskom se spanne werk onverpoos om soveel moontlik van die kragopwekkingseenhede weer aan die gang te kry.”
Die kragvoorsiener doen ’n beroep op verbruikers om elektrisiteit spaarsamig te gebruik om sodoende die uitwerking van beurtkrag te beperk.
Lekker oortyd so ons sal sorg dat daar altyd beurtkrag is met dank Eskom werkers.
Ag dankie Eskom ons betaal egter vir die diens hoor! Gggmmmfff maak my siek man
Wat van ‘n bietjie ‘ load reduction’ na die gebiede wat nie betaal nie.
Dan kan julle die bietjie krag wat julle opwek ten mindste verkoop en nie weggee nie.
Vra maar elke finansiële adviseur, dit sou finansieel baie sin maak vir die ‘bottomline’.