(Argieffoto: Johannes Plenio/pixabay)
Goeie nuus oor beurtkrag – Eskom het laat Sondagoggend aangekondig fase 1 geld vanaf 12:00 tot 22:00.
Fase 2 geld sedert Vrydag, nadat daar vroeër vandeesweek selfs na fase 4 oorgeskakel is.
Die kragvoorsiener het vroeër gesê beurtkrag word weer noodgedwonge in werking gestel om die noodopwekkingsreserwes aan te vul wat die afgelope week uitgeput is sodat daar vir die komende week voorberei kan word. Volgens Eskom was die netwerk onbetroubaar en kwesbaar.
Eskom het die afgelope week twee bestuurders by kragstasies geskors, oënskynlik in ʼn poging om groter aanspreeklikheid onder senior bestuurslui te verseker.
Die kragvoorsiener het gesê hy sal later verdere besonderhede oor die beurtkragvooruitsig vir die komende week bekend maak.
#Loadshedding Stage 2 will change down to Stage 1 from 12:00 to 22:00 today. A further update will be provided later today.
— Eskom Hld SOC Ltd (@Eskom_SA) September 6, 2020
Wow, op die bol nè.
Ek hoop nie ek klink sarkasties nie.
Mmmm….eerder gepik ini bol…
Moet ons julle nou bedank vir ‘n diens waarvoor ons betaal??? Was gister aand af en weer vanoggend dis so nie snaaks nie regtig! My betaling gaan ook onbetroubaar en wisselvallig raak. Ek gaan julle begin invoice vir my diesel vir my generator en tyd ongerief
Die twee bestuurders is natuurlik geskors met volle betaling, lekker nê.