Beurtkrag geld res van week

(Argieffoto: pixabay)

Die voortgesette vertraging om opwekkingseenhede by Kusile, Tutuka, Duvha, Kendal en Koeberg weer in diens te stel, het Eskom genoop om beurtkrag vandeesweek verder te verleng.

Die kragvoorsiener het Woensdagoggend gesê fase 2-beurtkrag sal nou van Woensdag om 10:00 tot Sondag om 22:00 geld.

“Die beperkings word vererger deur die afgelope paar dae se daaglikse hoë winteraanvraag wat deur kouer temperature veroorsaak is,” lui ʼn verklaring van Eskom.

“Die noodopwekkingsreserwes is oor die afgelope paar dae op grootskaal gebruik om beurtkrag deur die dag te verhoed. Dit het gelei tot ʼn uitputting van die hulpbronne wat beskikbare kapasiteit verminder het.”

Eskom sê hy het geen ander keuse as om beurtkrag deurlopend in werking te stel om die noodopwekkingsreserwes aan te vul nie.

Onbeplande instandhoudingswerk het beteken kapasiteit van 13 752 MW is nie beskikbaar nie, terwyl beplande instandhoudingswerk 1 273 MW uit die netwerk gehaal het.

Die beperkings gaan volgens Eskom nog geruime tyd duur. Verbruikers is gevra om hul kragverbruik veral tussen 17:00 en 22:00 te verminder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Persheks Adri

Afgesaag en eentonig gaan werk man kof Eskom kof

Jack

Eskom julle is so pateties.Skakel maar net af en gaan huis toe.Die onnodige en onbevoegde werkers sal so bly was as hulle kan gaan sit en niks doen by die huis.Dit sal wees soos by die werk.

Sambok

Selle ou storie oor en oor,lieg nou ak net soos die regering-kole is klaar

Filistyn

En dit is nuus? Sodra ‘n roetine gevestig is, is dit nie meer nuus nie. Dit is nou al ‘n roetine om 1 – 2 keer per dag sonder elektrisiteit te wees.

Catherina

Skuldiges wat ons in die gemors laat beland het sit snoesig en warm by huis…op spesaiale verlof…of lewe weelderig in buiteland. Maak my woedend. Ons kry koud…dis winter. Wie luister…niemand?