Argieffoto (Pixabay)
Eskom het Sondag aangekondig fase 2-beurtkrag gaan net tot 21:00 Sondag toegepas word, nadat hy sy noodreserwes voldoende herstel het. Beurtkrag gaan wel moontlik later vandeesweek weer ingestel word.
Die kragvoorsiener het gewaarsku die risiko van beurtkrag is steeds groot, weens die beperkte en onbetroubare opwekkingsaanleg.
Onbeplande kragonderbrekings het Sondag omstreeks 15:20 op 10 634 MW gestaan.
Volgens Eskom het die beurtkrag van die naweek gehelp om die gebruik van noodhulpbronne te verminder. Die pompopgaarskemas is weer ingestel om die kapasiteit aan te vul.
Eskom herinner verbruikers daaraan dat beurtkrag op kort kennisgewing weer ingestel kan word indien daar enige veranderinge aan die stelsel is.
ons is so moeranties in die nuwe afrika demokrasiese SA ….maar hulle help nie met vervang van gebreekte toerusting nie….