Beurtkrag: ʼn Donker naweek verwag

(Argieffoto: Johannes Plenio/pixabay)

Eskom het aangekondig dat fase 2-beurtkrag Vrydag om 12:00 in werking gestel word – en tot minstens Sondag om 23:00 gaan duur.

Suid-Afrikaners word sedert die middel van Desember weer aan die gewraakte aan-af-stelsel onderwerp. Dit is egter op 18 Januarie vir eers opgeskort.

Volgens Eskom moet beurtkrag nou weer noodgedwonge ingestel word, aangesien vyf opwekkingseenhede by die Medupi-stasie onklaar geraak het. Dit is omdat daar ʼn tekort aan steenkool vir dié eenhede is, weens die swaar reën wat gisteraand in die Lephalale-gebied geval het.

Hierdie gebied het in een aand ongeveer 65 mm reën aangeteken.

“Eskom het planne in werking gestel en bykomende hulpbronne ontplooi ná swaar neerslae in Mpumalanga en Limpopo,” sê die kragvoorsiener. “Spanne werk onophoudelik om soveel moontlik kapasiteit so gou moontlik te herstel.”

Altesaam 4 114 MW is weens beoogde instandhoudingswerk nie beskikbaar nie, terwyl nog 15 739 MW weens ander onvoorsiene probleme nie beskikbaar is nie.

Eskom het ook ʼn beroep op verbruikers gedoen om krag spaarsaam te gebruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Pierre

Die wiele kom letterlik af al hoe meer waarskuwings van binne die energie gemeenskap dat dinge veel erger is as wat die regering voorgee

Wondermaarnet

Eskom vra ons moet minder krag gebruik. Hulle kla as mens te min krag koop en kla as mens te veel krag gebruik. Wat wil hulle hê? Sonkrag is ook nou ‘n probleem vir hulle. Hou op mense betaal wat oorbodig en onbevoeg is.

Riaan

HOE HET DIE OU REGERING DIT REG GEKRY, want waragtig reen dit nie net in Suid-Afrika vandat die ANC oorgeneem het nie

Anton

Gelukkig was daar nooit swaar reen voor 1994 nie. Verder is die weervoorspelling so swak dat niemand ooit voorsiening kan maak vir sulke omstandighede nie. Beplanning is eurosentries en rassisties. Jan van Riebeeck het alles opgeneuk ????

Hennie J

Verwyder die kripvreter en onbevoegde kaders wat nie kan beplan nie. Is die magtige eskom nou n mooiweersinstelling?